.jpg)
२०८३ असार ३० गते
नेपालीले विदेशमा लगानी गर्न पाउने गरी ऐनको मस्यौदा तयार, सुझाव दिन १५ दिनको समय
२०८३ असार ३० गते
काठमाडौं । नेपालीले पनि विदेशमा लगानी गर्न पाउने गरी ऐनको मस्यौदा तयार भएको छ । सो मस्यौदामा आवश्यक सुझावका लागि अर्थमन्त्रालयले आव्हान गरेको छ ।
Advertisement:
विदेशी विनिमय (नियनमत गर्न) ऐन, २०१९ विदेशी लगानी प्रतिबन्ध लगाउने ऐन २०२१ लाई संसोधन गरी नयाँ समसामयिक विषयवस्तु थप गर्न अर्थमन्त्रालयले सुझावका लागि आव्हान गरेको हो । यस मस्यौदामाथि १५ दिनभित्र सुझाव दिन अर्थले भनेको छ ।
देशको आर्थिक अवस्था, प्रविधिमा आएको परिवर्तन, विनिमय व्यवस्थापनका विभिन्न समस्यालाई सम्बोधन गर्न, विदेशी सुरक्षणपत्र, विदेशी मुद्रा र विदेशी बुलियनहरुमा कारोबारको प्रभावकारी नियमन गर्न पनि संसोधनको आवश्यक भएको भनिएको छ ।
यस्तै विदेशी लगानी नेपालमा ल्याउन र विदेशमा नेपाली लगानी गर्नका लागि पनि आवश्यक विषयहरु सम्बोधनको लागि ऐन संसोधनका आवश्यक देखिएको हो ।
यस मस्यौदाले देशमा विदेशी मुद्राको संकटको अवस्था आएको खण्डमा देशका कुनै पनि नागरिक वा संस्थाको खातामा भएको रकम नेपाल सरकारलाई बेच्न आदेश दिनसकिने व्यवस्था पनि छ ।
यो ऐन विपरित काम भएमा ३५ दिनसम्म हिरासतमा राखेर अनुसन्धान समेत हुनसक्ने व्यवस्था छ । सुनचाँदी जस्ता बहुमूल्य गहना लुकाइ ओसारपसार गरेमा सोको लागि प्रयोग भएको गाडी समेत जफत हुनसक्ने व्यवस्था मस्यौदामा छ ।
प्रतिक्रिया