२०८३ असार १४ गते
दोहोरी गीतमा अश्लिलता फैलाएको भन्दै लोक सञ्चारकर्मी पुगे साइबर ब्यूरोमा,तीन गीत विरुद्ध उजुरी
२०८२ असार २९ गते
काठमाडौँ । लोक तथा दोहोरी गीतमा अश्लिलता र विकृति फैलाएको भन्दै लोक सञ्चारकर्मी नेपालले शान्तिश्री परियार र रामजी खाँडको गीतसहित तीनवटा गीतविरुद्ध नेपाल प्रहरीको साइबर ब्युरोमा उजुरी दिएको छ।
उजुरी परेका गीतहरूमा ध्रुव पुन, चन्द्रकुमारी शाहीको ‘गाई कालो’,राजकुमार वली, अस्मिता थापा, लक्ष्मी थापाको ‘सल्ला दमारमा’ र रामजी खाँड, शान्तिश्री परियारको ‘लुकी लुकी’गीत रहेको छ ।
Advertisement:
संस्थाका सचिव कमल सरगमका अनुसार ती गीतहरूले लोकसंगीतमा विकृति फैलाएको र सुन्नै नसकिने अश्लिलता प्रस्तुत गरेका छन्। उजुरी पत्र ब्युरो प्रवक्ता दीपक राज अवस्थीलाई हस्तान्तरण गरिएको छ।
ब्युरोले अनुसन्धान गरी कारबाही अघि बढाउने प्रतिबद्धता जनाएको छ।
प्रतिक्रिया