.jpg)
२०८३ जेठ ०४ गते
शेयर बजारमा भारी गिरावट, नेप्से परिसूचक २७ सय विन्दु तल
२०८१ मंसिर २३ गते
काठमाडौँ। साताको पहिलो कारोबार दिन नेप्सेमा भारी अंकको गिरावट आएको छ । आज नेप्से परिसूचक ४५.९३ विन्दुले घटेर २६८९ अंकमा पुगेको छ । बजार खुलेदेखिनै विभिन्न उतार चढाव बेहोरेको नेप्से अन्ततः १.६७ प्रतिशतले घटेको हो ।
यस दिन नेप्सेका १३ उपसमूहमध्य १३ वटै उपसमूहका परिसूचक घटेका छन् । आइतबार सर्वाधिक घट्ने जीवन बीमा उपसमूह रह्यो जसको परिसूचक ३.०७ प्रतिशतले बढेको छ । त्यस्तै व्यापार उपसमूह २.१३, हाइड्रोपावर उपसमूह १.९८ प्रतिशत, बैंक उपसमूह १.८६ प्रतिशत तथा फाइनान्स १.८४ प्रतिशतले घटेका छन् । यस दिन सबैभन्दा कम घट्ने उपसमूहमा उत्पादन तथा प्रशोधन उपसमूह रह्यो जसको परिसूचक ०.३२ प्रतिशतले घटेको छ।
Advertisement:
नेप्से परिसूचक घटेसँगै आज कारोबार रकम पनि घटेको छ । अघिल्लो कारोबार दिन ८ अर्ब ५४ करोड बराबर शेयर खरिदबिक्री भएको बजारमा यस दिन ३२१ स्टकको ८१ हजार चार सय चार पटकको कारोबारमा ७ अर्ब ३५ करोड बराबरको किनबेच भएको छ । जसमा २७ कम्पनीका शेयर बढेका छन् भने २१४ कम्पनीका शेयर घटेका छन् । त्यसै गरी तीन कम्पनीका शेयर स्थिर रहेका छन् ।
यस दिन सर्वाधिक बढ्नेमा खानी खोला हाइड्रोपावर रह्यो जसको शेयर ९.९८ प्रतिशतले बढेको छ । त्यसै गरी सर्वाधिक घट्नेमा मानुषी लघुवित्त, जोशी हाइड्रोपावर र लाइफ इन्स्योरेन्स कर्पोरेसन नेपाल लिमिटेड रह्यो जसको शेयर समान दश प्रतिशतले घटेको छ ।
कारोबार रकमका आधारमा सर्वाधिक कारोबार हुनेमा एनआरएन इन्फ्रास्ट्रकचार एण्ड डेवलप्मेंट कम्पनी रह्यो जसको ३२ करोड ३४ लाख बराबरको शेयर कारोबार भएको छ । त्यस्तै, आज भोल्युमको आधारमा सर्वाधिक कारोबार हुनेमा लक्ष्मी उन्नति कोष रह्यो जसको २० लाख ४८ शेयर कित्ता शेयर किनबेच भएको छ।
प्रतिक्रिया