.jpg)
२०८३ जेठ ०२ गते
सहकारी मन्त्रालयले चालु आवमा ६० वटा काम गर्ने, भुमि आयोग गठन पहिलो प्राथमिकता
२०८१ असोज १६ गते
काठमाडौं । भूमिब्यवस्था, सहकारी तथा गरिवी निवारणमन्त्री बलराम अधिकारीले सचिव अर्जुनप्रसाद पोख्रेलसंग बुधवार कार्यसम्पादन सम्झौता गरेका छन् । २७ भदौमा मन्त्री अधिकारीले प्रधानमन्त्री केपी शर्मा ओलीसंग कार्यसम्पादन सम्झौता गरेका थिए । सोही सम्झौता पालना गर्न मन्त्रालयभिकै कर्मचारीको पनि कार्यसम्पादन सम्झौता गरिएको हो ।
चालु आर्थिक बर्षभित्र भूमि ब्यवस्था, सहकारी र गरिवी निवारण क्षेत्रका ६० वटा महत्वपुर्ण कामहरु सम्पन्न गर्ने उद्देश्य कार्यसम्पादन सम्झौतामा उल्लेख गरिएको छ । मन्त्रालय मातहतका सह—सचिव र बिभागीय प्रमुखहरुको उपस्थीति रहेको कार्यक्रममा मन्त्री अधिकारीले मन्त्रालयले लिएका लक्षित उद्देश्य सामुहिक प्रयासबाट सम्भव हुने भएकाले आ आफनो तहबाट जिम्मेवार, पारदर्शी र नतिजामुखी भएर काम गर्न निर्देशन दिए । योजनाहरु बन्ने तर अपेक्षाकृत कार्यान्वयन नहुने अवस्थाले मन्त्रालयको गरिमा नबढ्ने मन्त्री अधिकारीको भनाई छ ।
Advertisement:
सचिव पोखरेलले कार्यसम्पादनमा उल्लेखित ६० वटै बिषय कार्यान्वयनमा आफु प्रतिवद्ध रहेको उल्लेख गदैं भूमि आयोग गठन गरी भूमिहिन दलित, भूमिहिन सुकुम्वासी र अब्यवस्थित बसोवासीहरुको ब्यवस्थापन, सहकारी क्षेत्रमा देखिएका समस्याहरु क्रमिक रुपमा समाधान गर्ने र गरिवी निवारणका क्षेत्रमा आसा जगाउने गरी काम गर्ने सचिव पोख्रेलको भनाई छ ।
सचिव अधिकारीले यो कार्यसम्पादन सम्झौतामा उल्लेखित बिषयहरु कार्यान्वयनमा लैजानका लागि सम्वन्धीत महाशाखा र बिभागसंग पनि आफुले कार्यसम्पादन सम्झौता गरि निरन्तर पहलकदमी लिने प्रतिवद्धता व्यक्त गरे ।
प्रतिक्रिया