.jpg)
.jpg)
२०८३ असार ०१ गते
बैंकको निक्षेप ८० खर्ब नाघ्यो, अधिक तरलताको चपेटामा बैकिङ क्षेत्र
२०८३ जेठ ३१ गते
काठमाडौं । नेपाली बैकिङ क्षेत्रको निक्षेपको आकार ८० खर्ब नाघेको छ । नेपाल राष्ट्र बैंकको तथ्यांकलाई आधार मान्ने हो भने नेपाल राष्ट्र बैंकबाट इजाजतप्राप्त वित्तिय संस्थाहरुमा ८० खर्ब १७ अर्ब रुपैयाँ निक्षेप पुगेको छ ।
Advertisement:
यो निक्षेपमा सबैभन्दा ठुलो हिस्सा वाणिज्य बैंकहरुको छ । वाणिज्य बैंकहरुको ७२ खर्ब ३२ अर्ब निक्षेप पुगेको छ भने बाँकी वित्तिय संस्थाहरुको ७ खर्ब ८५ अर्ब रुपैयाँ निक्षेप रहेको छ । बैंक तथा वित्तिय संस्थाको कर्जा लगानी भने ५२ खर्ब ६३ अर्ब रुपैयाँ रहेको छ । कर्जा निक्षेप अनुपात औषत ७३.१० प्रतिशत रहेको छ ।
बैंक तथा वित्तिय संस्थाले निक्षेपको ९० प्रतिशतसम्म लगानी गर्न पाउने व्यवस्था भएपनि कर्जा माग न्युन हुँदा अहिले बैकिङ क्षेत्रमा अधिक तरलता रहेको छ । लगानीयोग्य करिब १८ प्रतिशत जति रकम थुप्रिएको छ । अन्तरबैंक ब्याजदर २.७५ प्रतिशत रहेको छ ।
प्रतिक्रिया