२०८३ कात्तिक ०५ गते
काम गरेको ज्याला नपाउँदा पुल निर्माणको काम गर्दै आएका मजदुरहरु धादिङबेसीमा बिचल्लीमा,दशैंमा घर जान पाएनन्
२०८३ कात्तिक ०५ गते
धादिङ । काम गरेको ज्याला नपाउँदा पुल निर्माणको काम गर्दै आएका मजदुरहरु धादिङबेसीमा बिचल्लीमा परेका छन् ।
धादिङको नीलकण्ठ नगरपालिका–३ र १२ जोड्ने थोपलखोला माथी निर्माणाधीन पक्की पुलमा मजदुरी गर्दै आएका मजदुरहरु ज्याला नपाएकै कारण दशैंमा घर जानबाट पनि बन्चित भएका छन् । काम गरेबापत पाउनुपर्ने पैसा ठेकेदारले नदिँदा बाटो खर्चसम्म नभएर १२ जना मजदुर घर जानबाट रोकिन बाध्य भएका हुन् ।
Advertisement:
चाडबाडमा परिवारसँग बसेर मिठो(मसिनो खाने र छोराछोरीलाई नयाँ लुगा किनिदिने सपना बोकेका उनीहरू अहिले स्थानीयले दिएको खाद्यान्नको भरमा छाक टारिरहेका छन् ।
ूएक जनाको ३० हजार रुपैयाँभन्दा बढी लिन बाँकी छ । कुल ३६ जनामध्ये २४ जनाले सरसापट र घरबाटै पैसा मगाएर गए,ू सल्यानका अम्मर कार्कीले भने, ूहामी १२ जनाको भने बिचल्ली भयो । घर पुग्न तीन दिन लाग्छ, बाटो खर्च मात्रै पाए पूर्णिमा अगाडि भए पनि पुगिन्थ्यो कि भन्ने आश छ ।ू ठेकेदारले पैसा दिने आश्वासन दिँदै दिन ढाँट्ने गरेको उनले बताए ।
सल्यानकै सुशील खत्री र सुर्खेतका काशीराम विकको पीडा पनि उस्तै छ । 'छोराछोरीले नयाँ कपडा र मिठो खानेकुरा ल्याउला भनेर बाटो पर्खिरहेका छन् । तर आफैं जाने भाडासम्म छैन,'विकले भावुक हुँदै भने, 'हामी मजदुरको चाहिँ दशैं नहुने हो र ? जसरी भए पनि घर जाने वातावरण बनाइदिनुपर्यो ।'
पुल निर्माणमा खटिएका सल्यानका ७, बाँकेका २, सुर्खेतका २ र गोरखाका १ गरी १२ जना मजदुर हाल साविक नवदुर्गा आधारभूत विद्यालयको भवनमा बसिरहेका छन् । उनीहरूलाई पुल बगैँचाका स्थानीय बासिन्दाले खाद्यान्न सहयोग गरिरहेका छन् ।
निर्माण व्यवसायी राजन आले मगरले भने मजदुरहरू स्वयं घर नजाने निर्णय गरेकाले स्थानीयस्तरमै व्यवस्थापन गरिएको दाबी गरे ।'सम्झौताअनुसार अर्का ठेकेदार श्याम बुढाथोकीले भुक्तानी नदिँदा समस्या भएको हो । धेरैलाई पैसा दिएर पठाइसकिएको छ,' उनले भने, 'उहाँहरूले भने जस्तो प्रतिव्यक्ति ३० हजार दिन बाँकी छैन । अहिले दशैंको मुखमा तुरुन्तै पैसा दिन सकिने अवस्था छैन ।'
पूर्वाधार विकास कार्यालयअन्तर्गत निर्माणाधीन उक्त पुलका मजदुरको समस्याबारे धादिङका प्रमुख जिल्ला अधिकारी लक्ष्मी पाण्डेय ९गौतम० ले ध्यानाकर्षण भएको बताएकी छन् । ूठेकेदारसँग निरन्तर कुराकानी भइरहेको छ,'प्रजिअ पाण्डेयले भनिन्, ूमजदुरहरूलाई सहजरूपमा घर पठाउने वातावरण बनाउन पहल गरिरहेका छौँ ।'
प्रतिक्रिया