.jpg)
२०८३ जेठ १२ गते
रूस–युक्रेन द्वन्द्वको रणनीतिक मोडः पूर्वाधारदेखि ऊर्जापूर्वाधारमा ठुला आक्रमण
२०८२ भदौ २३ गते
काठमाडौं । रूस र युक्रेनबीच जारी युद्धमा दुबै पक्षले द्वन्द्वको रणनीतिलाई नयाँ मोड दिएका छन् । रूसले युक्रेनका विभिन्न सैन्य पूर्वाधार र औद्योगिक लक्ष्यहरूमा ठूला आक्रमण गरेको घोषणा गरेको छ भने युक्रेनले प्रतिकारस्वरूप रूसको महत्वपूर्ण तेल पूर्वाधारलाई ड्रोनमार्फत प्रहार गरेको दाबी गरेको छ ।
रूसी रक्षा मन्त्रालयले आइतबार सार्वजनिक गरेको विज्ञप्तिमा डिनिप्रोपेट्रोभस्क क्षेत्रमा पर्ने खरोशेये बस्तीमाथि नियन्त्रण स्थापित गरिएको दाबी गरिएको छ । त्यस्तै, रूसले उच्च–प्रशिक्षित क्षेप्यास्त्र र ड्रोनमार्फत राजधानी किभको पश्चिमी किनारमा रहेको किभ–६७ औद्योगिक उद्यम र दक्षिणी किनारमा रहेको रसद आधारलाई ठूला आक्रमण गरेको जनाएको छ ।
Advertisement:
रूसी पक्षले किभभित्र अन्य नागरिक संरचनामा आक्रमण नगरेको भनाइ दोहोर्याएको छ । तर, युक्रेनी वायुसेनाले भने शनिबार रातिदेखि सोमबार बिहानसम्म रूसले ठूलो मात्रामा क्षेप्यास्त्र र ड्रोन आक्रमण गरेको र यस क्रममा युद्ध सुरु भएयता पहिलो पटक राजधानी किभस्थित सरकारी भवन नै प्रहारमा परेको जनाएको छ ।
युक्रेनको प्रतिकार ः पाइपलाइन र रिफाइनरीमा आक्रमण
युक्रेनी सेनाको जनरल स्टाफले ब्रायान्स्क क्षेत्रमा रहेको एक तेल पाइपलाइनमा ड्रोन आक्रमण गरी आगलागी भएको दाबी गरेको छ । उक्त पाइपलाइन हंगेरी र स्लोभाकियामा तेल आपूर्ति गर्ने मुख्य माध्यम भएकाले यस घटनाले यूरोपियन ऊर्जा सुरक्षाबारे प्रश्न उठाएको छ । यद्यपि दुवै देशले तेल आपूर्ति प्रभावित नभएको स्पष्ट पारेका छन् । राजधानी किभ र औद्योगिक पूर्वाधारलाई लक्षित गर्नु, युद्धलाई केवल सीमित क्षेत्रसम्म सीमित नराखी सम्पूर्ण ऊर्जा र आपूर्ति प्रणालीमै दबाब सिर्जना गर्ने योजना संकेत गर्छ । पाइपलाइन र रिफाइनरीजस्ता तेल पूर्वाधारमाथि आक्रमण, रूसको ऊर्जा निर्यातमा अवरोध पु¥याउने प्रयास हो । यसले युरोपेली देशहरूलाई समेत अप्रत्यक्ष दबाबमा पार्ने उद्देश्य बोकेको देखिन्छ ।
पाइपलाइन र तेल आपूर्ति प्रणालीमाथि आक्रमणले ऊर्जा बजार अस्थिर बनाउन सक्छ । विशेषगरी हंगेरी र स्लोभाकिया जस्ता देशहरू रूससँग प्रत्यक्ष आपूर्ति निर्भर रहँदै आएका छन् ।
प्रतिक्रिया