.jpg)
२०८३ जेठ ०१ गते
पोखरा स्कुल बस दुर्घटना : आमा र छोराको मृत्यु,२८ विद्यार्थीको उपचार हुँदै
२०८१ साउन १४ गते
पोखरा । पोखरा महानगरपालिका-२१ छरछरेमा सोमबार स्कुल बस दुर्घटना हुँदा मृत्यु भएकी आरती विकका ६ वर्षिय छोरा प्रिन्स विकको पनि मृत्यु भएको छ । विद्यालयको यूकेजीमा अध्ययनरत प्रिन्सको गण्डकी मेडिकल कलेजमा उपचारका क्रममा निधन भएको हो ।
विद्यार्थी लिएर फर्कंदै गरेको पोखरा-१७ विरौटामा रहेको एलपी देवकोटा मेमोरियल स्कुलको ग१क ६२१९ नम्बरको बस दुर्घटना हुँदा विद्यालयकी कार्यालय सहयोगी ३५ वर्षीया आरती विकको मृत्यु र २९ जना घाइते भएका छन् ।
Advertisement:
बसमा चालक, २८ विद्यार्थी र एक कर्मचारी सवार थिए । रामदीबाट विरौटा फर्कने क्रममा बस घुम्तीबाट झन्डै ५० मिटर तल खसेको थियो ।
घाइतेमध्ये १४ जनाको गण्डकी मेडिकल कलेज, १२ जनाको पोखरा स्वास्थ्य विज्ञान प्रतिष्ठान र ३ जनाको मणिपाल शिक्षण अस्पतालमा उपचार भइरहेको छ ।
प्रतिक्रिया