.jpg)
२०८३ असार ०७ गते
गुल्मीमा किसानको घरमै पुगेर निःशुल्क पशु उपचार सेवा, किसानहरु दंग
२०८१ मंसिर २७ गते
गुल्मी । गुल्मी जिल्लाको धुर्कोट गाउँपालिकामा पशु स्वास्थ्य शिविर सञ्चालन गरिएको छ । धुर्कोट गाउँपालिकाको सहयोगमा हेफर प्रोजेक्ट नेपालको सझेदारीमा घरदैलोमै पुगेर स्वास्थ्य अभिमुखीकरण सेवा दिएको हो ।
शिविरबाट किसानहरूलाई पशुहरूमा लाग्ने रोगहरूको बारेमा जानकारी दिएको र पशु रोगबाट बच्ने उपायबारे परामर्श प्रदान गरिएको हेफर प्रोजेक्ट नेपाल परियोजना संयोजक व्यवस्थापक भरत भण्डारीले जानकारी दिए।
Advertisement:
व्यावसायिक पशु फर्महरूमा स्थलगत गएर पशु विज्ञ प्राविधिकद्वारा विज्ञ सेवा दिने उद्देश्यकासाथ पशु स्वास्थ्य शिविर सुरु गरिएको गाउँपालिका अध्यक्ष भुपाल पोखरेलले बताए । धेरै किसानमा पुगेर धेरै सेवा दिने, उपचारको विधि, समस्या पहिचान गर्ने, पशुहरूमा कस्ता प्रकारका रोग छन् , र उत्पादन कसरी वृद्धि गर्न सकिन्छ, भनेर स्थलगत यस्तो अभियान सुरु गरिएको गाउँपालिका अध्यक्ष पोखरेलले बताए ।
धुर्कोट गाउँपालिका भित्र रहेका कृषकको घरघरमै पुगेर पशुमा लागेको रोग थाहा पाउने र त्यसको उपचारको बारेमा कृषकलाई जानकारी गराइने पशु चिकित्सक डा.लेखनाथ अधिकारीले बताए।
धुर्कोट गाउँपालिका वडा नम्बर ५ मा आभिषकार कृषि फर्म सञ्चालन गर्दै आएका रविन्द्र घिमिरेले स्थानीय सरकारले पशु प्राविधिक सहित घरदैलोमै आएर विज्ञ सेवा पाउँदा निकै खुशी भएको बताए । त्यस्तै आर्को धुर्कोट गाउँपालिका ५ का चूडामणि भण्डारीले पनि पशुमा लाग्ने रोग र उपचारको बारेमा थाहा पाउँदा आफूले धेरै ज्ञान सिकेको बताए ।
धुर्कोट गाउँपालिका भित्रका ४८ फर्ममा पशु चिकित्सक पुगेर सेवा दिने छन् । शिविर ३ दिन सम्म चल्ने छ ।
प्रतिक्रिया