२०८३ असार १७ गते
भ्रष्टाचार र असमानता विरुद्ध भदौ २३मा 'जेन-जी' को देशव्यापी प्रदर्शन
२०८२ भदौ २२ गते
काठमाडौं । नेपालको युवा पुस्ता 'जेन-जी'ले आगामी सेप्टेम्बर ८ मा भ्रष्टाचार, नातावाद र राजनीतिक शक्ति दुरुपयोगविरुद्ध प्रतिवाद गर्न प्रतीकात्मक तर साहसी आन्दोलन गर्ने तयारी गरेको छ।
सडकमा उत्रिँदा उनीहरूले किताब, कापी र कलमलाई आफ्नो मुख्य प्रतीक बनाउनेछन्। प्रदर्शनका प्रमुख केन्द्रहरू संसद भवन अगाडि नयाँ बानेश्वर र मैतीघर मण्डला रहनेछन् भने देशका अन्य सहरहरूमा पनि शान्तिपूर्ण तर प्रभावकारी रुपमा कार्यक्रम गरिने अपेक्षा गरिएको छ।
'जेन-जी'हरूले नेताहरूका परिवारले उपभोग गर्ने ऐश आरामपूर्ण जीवनशैली र सर्वसाधारण नागरिकले भोगिरहेको संघर्षपूर्ण जीवनबीचको तीव्र असमानता अन्त्य गर्न माग गर्नेछन्। उनीहरूको भनाइमा नेपालका युवाहरू शिक्षित र विश्वसँग जोडिएका भए पनि अझै गुणस्तरीय शिक्षा, रोजगारी र समान अवसरबाट वञ्चित छन्।
डिजिटल युगमा हुर्किएको यो पुस्ता टिकटक, रेडिट, इन्स्टाग्राम जस्ता सामाजिक सञ्जालमार्फत सामाजिक न्याय, पारदर्शिता, समावेशिता र वातावरणीय सुरक्षा जस्ता मुद्दामा सक्रिय देखिँदै आएको छ। उनीहरूले सुरु गरेको “नो नेपो किड” अभियानले देशभर नातावादी संस्कृतिलाई गम्भीर प्रश्न गरेको छ।
सेप्टेम्बर ८ को आन्दोलनमा मुख्यतया यी विषयहरूमा जोड दिइने अपेक्षा गरिएको छ:
-
भ्रष्टाचार र नातावाद अन्त्यको माग
-
शिक्षा र रोजगारीमा समान अवसरको सुनिश्चितता
-
वातावरणीय संरक्षण र दिगो विकास
-
वञ्चित समुदायका अधिकार र न्यायको माग
- सामाजिक संजाल रोकको विरोध
प्रतिक्रिया