२०८३ कात्तिक ११ गते
डलर १५२ रुपैयाँ नाघ्दा कुवेती दिनार ४९५ रुपैयाँ नजिक,यस्तो छ आजको विदेशी मुद्रा सटहीदर
२०८३ कात्तिक ११ गते
काठमाडौं । नेपाल राष्ट्र बैंकले कात्तिक ११ गते बुधबारका लागि विदेशी मुद्राको विनिमय दर सार्वजनिक गरेको छ। राष्ट्र बैंकले सार्वजनिक गरेको दरअनुसार अमेरिकी डलर एकको खरिद दर १५१ रुपैयाँ ८९ पैसा र बिक्री दर १५२ रुपैयाँ ४९ पैसा कायम भएको छ।
केन्द्रीय बैंकका अनुसार युरोपियन युरो एकको खरिद दर १६९ रुपैयाँ २१ पैसा र बिक्री दर १६९ रुपैयाँ ८८ पैसा तोकिएको छ। बेलायती पाउण्ड स्टर्लिङ एकको खरिद दर २०२ रुपैयाँ २४ पैसा र बिक्री दर २०३ रुपैयाँ ४ पैसा कायम भएको छ।
Advertisement:
त्यस्तै, अस्ट्रेलियन डलर एकको खरिद दर १०६ रुपैयाँ ७१ पैसा र बिक्री दर १०७ रुपैयाँ १३ पैसा रहेको छ। क्यानाडियन डलर एकको खरिद दर १०८ रुपैयाँ ३५ पैसा र बिक्री दर १०८ रुपैयाँ ७७ पैसा तोकिएको छ।
एसियाली मुद्रातर्फ १० जापानी येनको खरिद दर ९ रुपैयाँ ६३ पैसा र बिक्री दर ९ रुपैयाँ ६७ पैसा रहेको छ। चिनियाँ युआन एकको खरिद दर २२ रुपैयाँ ७८ पैसा र बिक्री दर २२ रुपैयाँ ८७ पैसा कायम भएको छ। दक्षिण कोरियाली वन १०० को खरिद दर ११ रुपैयाँ ४४ पैसा र बिक्री दर ११ रुपैयाँ ४९ पैसा तोकिएको छ। मलेसियन रिंगिट एकको खरिद दर ३७ रुपैयाँ १५ पैसा र बिक्री दर ३७ रुपैयाँ २९ पैसा रहेको छ।
वैदेशिक रोजगारीका लागि प्रमुख गन्तव्य मानिने खाडी मुलुकका मुद्राको विनिमय दर पनि राष्ट्र बैंकले सार्वजनिक गरेको छ। कतारी रियाल एकको खरिद दर ४१ रुपैयाँ ६७ पैसा र बिक्री दर ४१ रुपैयाँ ८४ पैसा कायम भएको छ। संयुक्त अरब इमिरेट्स ९यूएई० दिराम एकको खरिद दर ४१ रुपैयाँ ३६ पैसा र बिक्री दर ४१ रुपैयाँ ५२ पैसा रहेको छ।
सूचीअनुसार कुवेती दिनार सबैभन्दा महँगो विदेशी मुद्रा बनेको छ। एक कुवेती दिनारको खरिद दर ४९२ रुपैयाँ ९१ पैसा र बिक्री दर ४९४ रुपैयाँ ८६ पैसा तोकिएको छ।
यसैगरी, भारतीय रुपैयाँ १०० को खरिद दर १६० रुपैयाँ र बिक्री दर १६० रुपैयाँ १५ पैसा कायम गरिएको छ।
प्रतिक्रिया