२०८३ असोज १७ गते
शेयर बजार दोहोरो अंकले घट्यो, कारोबार रकम भने केहि बढ्यो
२०८० फागुन १० गते
काठमाडौँ । साताको अन्तिम कारोबार दिन शेयर बजार दोहोरो अंकले घटेको छ । यस दिन नेप्से परिसूचक २०.७६ अंकले घटेर २००५.८३ अंकमा बन्द भएको छ । बजार खुलेदेखिनै विभिन्न उतारचढाव व्यहोरेको नेप्से अन्ततः १.०२ प्रतिशतले घट्न पुगेको हो ।
बिहिबार नेप्सेमा १३ उपसमूहमध्ये दुई उपसमूहको परिसूचक मात्र बढेको छ भने बाँकि ११ उपसमूहको परिसूचक घटेको छ । यस दिन सर्वाधिक बढ्ने उपसमूहमा उत्पादन र प्रशोधन रह्यो जसको परिसूचक १.१४ प्रतिशतले बढेको छ । त्यसै गरि आज सर्वाधिक घट्ने उपसमुहमा हाइड्रोपावर रह्यो जसको परिसूचक १.९० प्रतिशतले घटेको छ ।
Advertisement:
बजारमा आज कारोबर रकम केहि बढेर ३.२० अर्ब बढीको शेयर किनबेच भएको छ । जसमा ४९ कम्पनी बढेका छन् भने १९७ कम्पनी घटेका छन् । यसैगरी २ वटा कम्पनीको शेयर भने स्थिर रहन पुगेका छन् । आज शेयर बजार घटेपनि समाज लघुवित्तको शेयरमा सर्वाधिक दश प्रतिशतको उछाल आएको छ । त्यसैगरी, यस दिन सर्वाधिक घट्ने कम्पनीमा हिमालय उर्जा विकास कम्पनी रह्यो जसको शेयर ७.६० प्रतिशतले घटेको छ ।
आज सर्वाधिक रकमको कारोबार गर्ने कम्पनीमा हिमालयन रिइन्सुरेन्स रह्यो भने सर्वाधिक शेयर कारोबार हुने कम्पनीमा पनि हिमालयन रिइन्सुरेन्सनै रह्यो ।
प्रतिक्रिया