२०८३ असार १६ गते
नेप्सेमा एकल अंकको सुधारसँगै कारोबार रकममा पनि सुधार
२०८१ जेठ ३० गते
काठमाडौँ । हिजो दोहोरो अंकले बढेको शेयर बजार आज बुधबार भने एकल अंकले मात्र बढेको छ । यस दिन नेप्से ६.३७ अंकले बढेर २१२१.६२ अंकमा बन्द भएको छ । बजार खुलेदेखिनै विभिन्न उतारचढाव व्यहोरेको नेप्से अन्ततः ०.३० प्रतिशतले बढेको हो ।
आज नेप्सेमा १३ उपसमूहमध्य ९ वटा उपसमूहको परिसूचक बढेको छ भने अन्य चार वटा उपसमूहको परिसूचक घटेका छन् । बुधबार सर्वाधिक बढ्ने उपसमूहमा फाइनान्स रह्यो जसको परिसूचक १.०७ प्रतिशतले वृद्धि भएको छ । यसै गरी सर्वाधिक घट्नेमा हाइड्रोपावर उपसमूह रह्यो जसको परिसूचक ०.६१ प्रतिशतले घटेको छ ।
Advertisement:
नेप्से बढेसँगै आज कारोबार रकम पनि बढेको छ । अघिल्लो कारोबार दिन ५ अर्ब ५५ करोड रुपैयाँ बराबरको शेयर किनबेच भएकोमा यस दिन ३१२ वटा स्टकको ७४ हजार ८ सय ५८ पटकको कारोबारमा ५ अर्ब ८९ करोड ४० लाख रुपैयाँ बराबरको एक करोड २९ लाख ५० हजार कित्ता शेयर खरिदबिक्री भएको छ । जसमा ११९ वटा कम्पनी बढेका छन् भने ११५ वटा कम्पनी घटेका छन् । यसैगरी १३ वटा कम्पनीको शेयर भने स्थिर रहन पुगेका छन् । यस दिन सर्वाधिक बढ्नेमा समृद्धि फाइनान्स, मिड सोलु हाइड्रोपावर, साधना लघुवित्त र ग्रिन लाइफ हाइड्रोपावर रह्यो जसको शेयरमा सकारात्मक सर्किट लागेको छ । सर्वाधिक घट्नेमा सयपत्री हाइड्रोपावर रह्यो जसको ४.४८ अंकको गिरावट आएको छ ।
बुधबार सर्वाधिक रकमको कारोबार गर्नेमा एनआरएन इन्फ्रास्ट्रकचार एण्ड डेवलपमेन्ट रह्यो जसको २७ करोड ६३ लाख रुपैयाँ बराबरको शेयर किनबेच भएको छ । संख्याको हिसाबले सर्वाधिक शेयर कारोबार हुनेमा ग्रिन लाइफ हाइड्रोपावर रह्यो जसको ९ लाख ५१ हजार दुई सय ७ कित्ता शेयर किनबेच भएको छ ।
प्रतिक्रिया