२०८३ असोज २९ गते
दशैं तिहार छठजस्ता चाडका कारण बढ्यो रेमिट्यान्स,दुई महिनामै भित्रियो ४ खर्ब ३६ अर्ब ३६ करोड
२०८३ असोज २९ गते
काठमाडौँ । दशैं तिहार छठजस्ता चाडबाडलाई लक्षित गर्दै विदेशमा रहेका नेपालीहरुले घर तथा आफन्तलाई पठाएको पैसाको तथ्यांक बृद्धि भएको देखिएको छ । आर्थिक वर्ष २०८३/८४ को दुई महिनामा विप्रेषण आप्रवाह २३.९ प्रतिशतले वृद्धि भई ४ खर्ब ३६ अर्ब ३६ करोड पुगेको छ । नेपाल राष्ट्र बैंकले सार्वजनिक गरेको तथ्याङ अनुसार यस्तो देखाएको हो ।
Advertisement:
अघिल्लो वर्षको सोही अवधिमा विप्रेषण आप्रवाह ३३.१ प्रतिशतले बढेको थियो । २०८३ भदौमहिनामा विप्रेषण आप्रवाह २ खर्ब २१ अर्ब ३१ करोड रहको छ । अघिल्लो वर्षको सोही महिनामा विप्रेषण आप्रवाह १७४ अर्ब ६७ करोड रहेको थियो ।
समीक्षा अवधिमा अमेरिकी डलरमा विप्रेषण आप्रवाह १३।५ प्रतिशतले वृद्धि भई २ अर्ब ८५ करोड पुगेको छ । अघिल्लो वर्ष यस्तो आप्रवाह २७.६ प्रतिशतले बढेको थियो ।
समीक्षा अवधिमा खुद द्वितीय आय(खुद ट्रान्सफर) ४६९ अर्ब ४४ करोड पुगेको छ । अघिल्लो वर्षको सोही अवधिमा यस्तो आय ३८४ अर्ब ८८ करोड रहेको थियो । वैदेशिक रोजगारीका लागि अन्तिम श्रम स्वीकृति (संस्थागत तथा व्यक्तिगत–नयाँ) लिने नेपालीको सङ्ख्या ७८,३२० र पुनः श्रम स्वीकृति लिनेको सङ्ख्या ५२,१६३ रहेको छ । अघिल्लो वर्षको सोही अवधिमा यस्तो सङ्ख्या क्रमशः ९०,१९८ र ४५,८८४ रहेको थियो ।
.jpg)
प्रतिक्रिया