.jpg)
२०८३ जेठ ०१ गते
भैरहवाको गौतमबुद्ध विमानस्थलले बिजनेस पाउन थाल्यो, भोलीबाट कतार एयरवेजले पनि दैनिक उडान गर्ने
२०८१ कात्तिक २६ गते
काठमाडौ । कतार एयरवेजले भोली देखि भैरहवास्थित गौतमबुद्ध अन्तर्राष्ट्रिय विमानस्थलबाट दैनिक उडान गर्ने भएको छ। एयरवेजले मंगलबारबाट उडान गर्ने र साताभरमा सात उडान गर्ने नागरिक उड्यन प्राधिकरणले जनाएको छ । कतार एयरवेजले हाल कतार–काठमाडौं दैनिक ३ वटा उडान गर्दै आइरहेको छ। अब भने मंगलबारबाट दोहा–भैरहवा–काठमाडौं–दोहा पनि उडान गर्नेछ। गत शनिबारदेखि दुबईको विमान कम्पनी फ्लाई दुबईले पनि गौतमबुद्ध अन्तर्राष्ट्रिय विमानस्थलबाट उडान थालेको छ । कतार एयरवेज थपिएसँगै भैरहवामा नियमित अन्तर्राष्ट्रिय उडान गर्ने वायुसेवाको संख्या ५ पुगेको छ ।सञ्चालनमा आएको दुई वर्षपछि गौतमबुद्ध अन्तर्राष्ट्रिय विमानस्थलले फाट्ट फुट्ट बिजनेस पाउन थालेको छ ।
गौतमबुद्ध विमानस्थल सञ्चालनमा आउने वित्तिकै जजिराले भैरहवाबाट उडान सुरु गरेको थियो । १० महिना उडान भरेपछि प्राविधिक कारण देखाएर जजिराले उडान स्थगन गरेको थियो । भैरहवा–कुवेत उडान गर्ने जजिराले शनिबारबाट फेरि सेवा दिन थालेको छ ।
Advertisement:
प्रतिक्रिया