.jpg)
२०८३ असार १९ गते
वाणिज्य बैंक जोगाउन केन्द्रिय बैंकले लियो नयाँ रणनीति, प्रणालीगत जोखिम घटाउन फ्रेमवर्क जारी
२०८२ मंसिर ०९ गते
काठमाडौ । नेपाल राष्ट्र बैंकले क वर्गका बाणिज्य बैंकहरु जोगाउन नयाँ रणनीति लिएको छ । ठुला बैंकको प्रणालीगत जोखिम घटाई वित्तिय स्थिरता कायम गर्न नयाँ फ्रेमवर्क जारी गरिएको केन्द्रिय बैंकले भनेको छ ।
प्रणालीगत रूपमा महत्त्वपूर्ण बैंकहरूको पहिचान गरी उनीहरुलाई असफल हुनबाट जोगाउन 'डोमेस्टिक सिस्टमेटिक इम्र्पोटेन्ट बैंक फ्रेमवर्क २०२५ ' जारी भएको हो । यो फ्रेमवर्क नियामक निकायद्वारा गरिएको मूल्यांकन, बैंकको आकार, अन्तरआवद्धता, प्रतिस्थापन योग्यतामा आधारित छ ।
Advertisement:
स्थानीय वित्तीय प्रणाली र अर्थतन्त्रमा कुनै बैंकको असफलताले पार्ने प्रभावलाई सबैभन्दा राम्रोसँग स्थानीय अधिकारीहरुले नै मापन गर्न सक्ने भएकाले नियामकको नियमन र सुपरिवेक्षणलाई नै फ्रेमवर्कको आधार मानिएको छ ।
२००८ को विश्व वित्तीय सङ्कटका दौरान धेरै प्रणालीगत रूपमा महत्त्वपूर्ण बैंकहरूको पतन भएको थियो । ठूलो वित्तीय संस्थाको असफलताले विश्व अर्थतन्त्रमा कति व्यापक विनाशकारी असर पार्न सक्छ भन्ने कुराबाट पाठ सिकेर नेपालले बैंक जोगाउँन नयाँ फ्रेमवर्क जारी गरेको हो ।
प्रणालीगत जोखिम नियन्त्रणमा केन्द्रित यस फ्रेमवर्कका अनुसार बैंकको आकारका आधारमा ४० प्रतिशत, अन्तरआवद्धताका आधारमा ३० प्रतिशत, प्रतिस्थापन योग्यताका अधारमा १५ प्रतिशत र जटिलताका आधारमा १५ प्रतिशत भार दिइएको छ । यहि भारका आधारमा प्रणालीगत रुपमा महत्वपूर्ण बैंक छनौट हुनेछ ।
प्रणालीगत स्कोर नेपाल राष्ट्र बैंकको रिपोर्टिङ पोर्टल मा वाणिज्य बैंकहरूले रिपोर्ट गरेको डेटा आधारमा गणना गरिनेछ।
प्रतिक्रिया