.jpg)
२०८३ जेठ ०५ गते
शेयरबजारमा ठूलो अंकको उछाल, कारोबार रकम बढेर ९ अर्बभन्दा बढी
२०८१ मंसिर १२ गते
काठमाडौँ। बुधबार पनि शेयरबजार दोहोरो अंकले बढेको छ । आज नेप्से परिसूचक ३८.८१ विन्दुले बढेर २७५५.४१ अंकमा पुगेको छ । बजार खुलेदेखिनै विभिन्न उतार चढाव बेहोरेको नेप्से अन्ततः १.४२ प्रतिशतले बढेको हो ।
यस दिन नेप्सेका १३ उपसमूहमध्य १२ उपसमूहका परिसूचक बढेका छन् भने एक मात्र फाइनान्स उपसमूहको परिसूचक ०.४७ प्रतिशत घटेको छ । बुधबार सर्वाधिक बढ्ने उपसमूहमा व्यापार उपसमूह रह्यो जसको परिसूचक ९.२७ प्रतिशतले बढेको छ । आज लगानीकर्तामाझ विकास बैंक उपसमूहप्रति पनि राम्रो आकर्षण देखियो । जस कारण विकास बैंक उपसमूह ३.१८ प्रतिशतले बढेको छ भने पाँच विकास बैंक स्क्रिपमा सकारात्मक सर्किट लागेको छ।
Advertisement:
त्यस्तै सबै भन्दा कम बढ्नेमा म्युचुवल फण्ड उपसमूह रह्यो जसको परिसूचक ०.०९ प्रतिशतले बढेको छ।
नेप्से परिसूचक दोहोरो अंकले बढेसँगै मङ्गलबार कारोबार रकम पनि बढेको छ । अघिल्लो कारोबार दिन ७ अर्ब ४४ करोड बराबर शेयर खरिदबिक्री भएको बजारमा यस दिन ३१६ स्टकको ८९ हजार पटकको कारोबारमा ९ अर्ब ३१ करोड बराबरको किनबेच भएको छ । जसमा २०० कम्पनीका शेयर बढेका छन् भने ३८ कम्पनीका शेयर घटेका छन् । त्यस्तै, छ कम्पनीको शेयर भने स्थिर रहेका छन् ।
यस दिन सर्वाधिक बढ्नेमा विशाल बजार, कर्णाली विकास बैंक, कर्पोरेट विकास बैंक, सिन्धु विकास बैंक, सप्तकोशी विकास बैंक, सपोर्ट लघुवित्त र मानुषी लघुवित्त रह्यो जसको शेयर समान दश प्रतिशतले बढेको छ । त्यसै गरी सर्वाधिक घट्नेमा मिथिला लघुवित्त रह्यो जसको शेयरमा नकारात्मक सर्किट लागेको छ ।
कारोबार रकमका आधारमा सर्वाधिक कारोबार हुनेमा नेपाल फाइनान्स रह्यो जसको ३४ करोड एक लाख बराबरको शेयर कारोबार भएको छ । त्यस्तै, आज भोल्युमको आधारमा सर्वाधिक कारोबार हुनेमा हिमालय उर्जा विकास कम्पनी रह्यो जसको छ लाख ५० हजार कित्ता शेयर किनबेच भएको छ।
प्रतिक्रिया