.jpg)
२०८३ जेठ ०४ गते
साताको पहिलो कारोबार दिन नेप्से परिसूचक दोहोरो अंकले घट्यो
२०८० माघ २८ गते
काठमाडौँ । साताको पहिलो कारोबार दिन नेप्से परिसूचक दोहोरो अंकले घटेको छ । यस दिन नेप्से परिसूचक १०.५० अंकले घटेर २०८५.८२ अंकमा बन्द भएको छ । बजार खुलेदेखिनै विभिन्न उतारचढाव व्यहोरेको नेप्से अन्ततः ०.५० प्रतिशतले घटन पुगेको हो ।
शेयर बजारमा आज ३ उपसमूहको परिसूचक बढेको छ भने १० उपसमूहको परिसूचक घटेको छ। आइतबार जलविद्युत, विकास बैंक र म्युचुअल फण्ड उपसमूहको परिसूचक सामान्य बढेको हो । कारोबारमा आएको उत्पादन तथा प्रशोधन उपसमूहको परिसूचक यस दिन सर्वाधिक २.८८ प्रतिशत घटेको छ भने होटल तथा पर्यटन र व्यापार उपसमूहको परिसूचक साढे १ प्रतिशतभन्दा बढी घटेको छ ।
Advertisement:
यस दिन नेप्से परिसूचक घटेपनि कारोबर रकम भने बढेर ४.०८ अर्ब बढीको शेयर किनबेच भएको छ । जसमा ९१ कम्पनी बढेका छन् भने १४८ कम्पनी घटेका छन् । यसैगरी ८ वटा कम्पनीको शेयर भने स्थिर रहन पुगेका छन् । आज समाज लघुवित्त र कुथेलि बुखारी हाइड्रोपावर कम्पनीको शेयरमा सकारात्मक सर्किट लागेको छ । त्यसैगरी, यस दिन सर्वाधिक घट्ने कम्पनीमा एनआइसी एसिया ग्रोथ फन्ड २ रह्यो जसको शेयरमा नकारात्मक सर्किट लागेको छ ।
आज सर्वाधिक रकमको कारोबार गर्ने कम्पनीमा हिमालयन रिइन्सुरेन्स रह्यो भने सर्वाधिक शेयर कारोबार हुने कम्पनीमा पनि हिमालयन रिइन्सुरेन्स कम्पनीनै रह्यो ।
प्रतिक्रिया