.jpg)
२०८३ जेठ ०४ गते
प्राधिकरणले पठाएको पत्रप्रति सोपानको गम्भिर आपत्ति: विज्ञप्ति निकाल्दै भन्यो, बक्यौता रकम फरक अस्तित्व रहेका उर्जा कम्पनीबाट असुल्न मिल्दैन
२०८१ मंसिर १४ गते
काठमाडौँ । सौर्य उर्जा उत्पादकहरुको संस्था, नेपाल (सोपान)ले नेपाल विद्युत प्राधिकरणले ट्रंक लाइन र डेडिकेटेड फिडरको बक्यौता विवादमा जोडिएका उद्योगीहरुको लगानी रहेको हाइड्रोपावरबाट उठाउने गरी गरेको पत्राचारबारे ध्यानाकर्षण भएको जनाएको छ ।
सोपानले प्राधिकरणले पठाएको पत्र उर्जा उत्पादक कम्पनीहरुसँग भएको विद्युत् विक्रि सम्झौता विपरित भएको बताएको छ । ‘केवल साझा शेयरधनी रहेको आधारमा एउटा कम्पनीले भुक्तानी गर्नुपर्ने बक्यौता रकमको दायित्व बिल्कुलै स्वतन्त्र अस्तित्व रहेको अर्को कम्पनीलाई बहन गराउने कार्य कम्पनी कानुनको स्थापित सिद्धान्त विपरित हुन्छ ’ विज्ञप्तीमा भनिएको छ ।
Advertisement:
उर्जा कम्पनीहरुमा सार्वसाधारण लगायत अन्य शेयरधनीहरुको लगानी हुने गरेकोले अर्कै उद्योगको बक्यौता असुलउपर गर्दा शेयरधनीको हक अधिकारमा समेत गम्भीर आघात पर्ने, प्राधिकरणको कदमले विदेशी लगानीमा समेत नकारात्मक असर गर्ने तथा आगामी १० वर्षमा १० हजार मेगावाट उत्पादनको लक्ष्यमा समेत गम्भिर असर पर्न जाने भन्दै सोपानको ठहर छ ।
प्रतिक्रिया