.jpg)
२०८३ जेठ ०३ गते
नेप्से परिसूचक ५८.५८ अंकले बढ्यो, शेयर बजार २१०० बिन्दु माथि
२०८० फागुन २९ गते
काठमाडौँ । मंगलबार शेयर बजारमा ठुलो अंकलको उछाल आएर २१०० बिन्दु माथि पुगेको छ । यस दिन नेप्से परिसूचक ५८.५८ अंकले बढेर २१११.२४ अंकमा बन्द भएको छ । बजार खुलेदेखिनै विभिन्न उतारचढाव व्यहोरेको नेप्से अन्ततः २.८५ प्रतिशतले बढ्न पुगेको हो ।
आज नेप्सेमा १३ उपसमूहमध्य १३ वटै उपसमूहको परिसूचक बढेको छ । यस दिन सर्वाधिक बढ्नेमा लाइफ इन्स्योरेन्स उपसमूह रह्यो जसको परिसूचक ५.४४ प्रतिशतले बढेको छ । त्यसै गरि माइक्रो फाइनान्स उपसमूह ५.०५ प्रतिशतले बढेको छ । यस दिन सबै भन्दा कम बढ्ने उपसमुहमा म्युचुवल फन्ड रह्यो जसको परिसूचक १.५५ प्रतिशतले बढेको छ ।
Advertisement:
बजार बढेसँगै कारोबार रकम पनि बढेर आज ४.५५ अर्बबढीको शेयर किनबेच भएको छ । जसमा २२० वटा कम्पनी बढेका छन् भने २२ वटा कम्पनी घटेका छन् । यसैगरी ४ वटा कम्पनीको शेयर भने स्थिर रहन पुगेका छन् । यस दिन सर्वाधिक बढ्नेमा वेअन नेपाल लघुवित्त, स्वाभिमान लघुवित्त, जनउत्थान सामुदायिक लघुवित्त र जाल्पा सामुदायिक लघुवित्त रह्यो जसको शेयरमा सकारात्मक सर्किट लागेको छ । मंगलबर सर्वाधिक घट्ने कम्पनीमा हिमालयन ८०-२० रह्यो जसको शेयरमा २.५७ प्रतिशतको गिरावट आएको छ ।
आज सर्वाधिक रकमको कारोबार गर्ने कम्पनीमा शिवम सिमेन्ट रह्यो भने सर्वाधिक शेयर कारोबार हुने कम्पनीमा पनि शिवम सिमेन्टनै रह्यो ।
प्रतिक्रिया