२०८३ असार १७ गते
अबिरल बर्षाले देशभर १०५.४ मेगावाटको १३ आयोजनाको बिजुली उत्पादन अवरुद्ध
२०८२ असोज १९ गते
काठमाडौ । दुई दिनको अविरल बर्षकाका कारण देशभर बाढी तथा पहिरो आएको छ । जसका कारण देशभरका १०५.४ मेगावाटको १३ आयोजनाको बिजुली उत्पादन अवरुद्ध भएको छ ।
भौतिक पूर्वाधार तथा यातायात, ऊर्जा, जलस्रोत तथा सिँचाइमन्त्री कुलमान घिसिङले आइतबार पत्रकार सम्मेलन गरेर विद्युतमा भएको क्षतिको विवरण सार्वजनिक गरेका छन् ।
Advertisement:
बिजुली उत्पादन बन्द गरेका सबै १३ वटै आयोजना इलाममै रहेको छ । मन्त्रालयका अनुसार बाढी, पहिरो र डुवानका कारण इन्टेक, पावर हाउस, सवस्टेशन, कल्भर्ट, हेडवक्र्स, एरियल गेट, प्रोटेक्सन वाल, टेलरेस, प्रशारण लाइन, डिसेन्डरलगायतका क्षति पुरयाएकाले १३ वटा जलविद्युत आयोजनाको बिजुली उत्पादन बन्द भएको हो ।
इलामको ४.५ मेगावाटको माइखोला हाइड्रोपावर, ८ मेगावाटको माइखेला क्यासकेड, २२ मेगावाटको माइखोला, ७ मेगावाटको माइखोला क्यासकेड, ७.८ मेगावाटको सुपरमाई, ९.६ मेगावाटको सुपरमाई ए, ३ मेगावाटको सुपरमाई एक क्यासकेड र ७.६ मेगावाटको जोगमाई खोला जलविद्युत आयोजनाको उत्पादन बन्द भएको छ ।
यस्तै ५.२ मेगावाटको जोगमाई क्यासकेड, ६.२ मेगावाटको तल्लो जोगमाई, ९.५ मेगावाटको माइबेनी हाइड्रोपावर, ९.९ मेगावाटको माथिल्लो माइखोला र ५.१ मेगावाटको माइसी क्यासकेड जलविद्युत आयोजनामा पनि क्षति पुगेको छ ।
यी हुन क्षति भएका आयोजना
प्रतिक्रिया