.jpg)
२०८३ वैशाख १४ गते
एभरेष्ट बैंकको नाफा ३ अर्ब ३२ करोड, यस्ता छन् अन्य वित्तीय सूचकहरू
२०८३ वैशाख १४ गते
काठमाडौं । एभरेष्ट बैंक लिमिटेडले चालु आर्थिक वर्ष २०८१/०८२ को तेस्रो त्रैमास (चैत मसान्त) सम्मको अपरिष्कृत वित्तीय विवरण सार्वजनिक गरेको छ। सार्वजनिक विवरण अनुसार बैंकको खुद नाफा केही घटे पनि समग्र व्यवसायिक गतिविधिमा सुधार देखिएको छ।
Advertisement:
तेस्रो त्रैमाससम्म बैंकले ३ अर्ब ३२ करोड ९३ लाख रुपैयाँ खुद नाफा कमाएको छ, जुन अघिल्लो आर्थिक वर्षको सोही अवधिको ३ अर्ब ४५ करोड ७६ लाख रुपैयाँको तुलनामा ३.७१ प्रतिशतले कम हो। यद्यपि बैंकको खुद ब्याज आम्दानी भने बढेर ६ अर्ब ८३ करोड ३४ लाख रुपैयाँ पुगेको छ, जुन गत वर्ष ६ अर्ब ७४ करोड ३९ लाख रुपैयाँ थियो।
अन्य आम्दानी स्रोतहरूमा सुधार हुँदा बैंकको कुल सञ्चालन आम्दानी ९.२२ प्रतिशतले बढेर ८ अर्ब ९३ करोड १० लाख रुपैयाँ पुगेको छ। तर सञ्चालन मुनाफा भने ३।५३ प्रतिशतले घट्दै ४ अर्ब ९० करोड ३६ लाख रुपैयाँमा सीमित भएको छ, जुन गत वर्ष ५ अर्ब ८ करोड ३३ लाख रुपैयाँ थियो।
व्यवसाय विस्तारतर्फ बैंकले चैत मसान्तसम्म ३ खर्ब २ अर्ब ४३ करोड ३४ लाख रुपैयाँ निक्षेप संकलन गरेको छ भने २ खर्ब ५० अर्ब ८७ करोड ९ लाख रुपैयाँ कर्जा प्रवाह गरेको छ। बैंकको चुक्ता पूँजी १३ अर्ब ७२ करोड १३ लाख रुपैयाँ रहेको छ भने जगेडा कोष १५ अर्ब ५० करोड ८८ लाख रुपैयाँ पुगेको छ।
वित्तीय सूचकांक अनुसार बैंकको प्रतिशेयर आम्दानी ईपीएस ३२ रुपैयाँ ३५ पैसा र प्रतिशेयर नेटवर्थ २४४ रुपैयाँ २७ पैसा रहेको छ। निष्कृय कर्जा अनुपात घटेर ०.६१ प्रतिशतमा झरेको छ, जुन अघिल्लो वर्ष ०.६४ प्रतिशत थियो। साथै बैंकको बेस रेट ४.५७ प्रतिशत र सिडी रेसियो ८५.८८ प्रतिशत कायम रहेको विवरणमा उल्लेख छ।
प्रतिक्रिया