.jpg)
२०८३ असार १९ गते
तनाव मत्थर नहुँदा सिमरा क्षेत्रमा पुनः कर्फ्यू
२०८२ मंसिर ०४ गते
सिमरा। बाराको सिमरा क्षेत्रमा बिहीबार पनि कर्फ्यू जारी गरिएको छ। जिल्ला प्रशासन कार्यालयले दिउँसो १२:४५ देखि साँझ ८ बजेसम्म कर्फ्यू लागू गर्दै सिमरा विमानस्थल, जीतपुर–सिमरा क्षेत्र र राजमार्ग आसपासमा सबै प्रकारका भेला, प्रदर्शन र भीड–भाडमा निषेध लगाएको छ।
बुधबार जेनजी समूह र एमाले कार्यकर्ताबीच झडप हुँदै तनाव बढेपछि बिहीबार बिहानै जेनजी कार्यकर्ताहरू पुनः सडकमा उत्रिएर टायर बाल्दै प्रदर्शन चर्काएका थिए। भीड नियन्त्रणका क्रममा सामान्य बल प्रयोग गरिएको प्रशासनले जनाएको छ।
Advertisement:
झडपमा संलग्नलाई पक्राउ नगरेको आरोप लगाउँदै जेनजीले आजको प्रदर्शन सुरु गरेका थिए। उनीहरूले दर्ता गरेको जाहेरीमा परेका मध्ये दुई वडा अध्यक्ष धनबहादुर श्रेष्ठ र कैमुदिन अन्सारीलाई प्रहरीले बिहीबार नियन्त्रणमा लिएको छ। बुधबारको भिडन्तमा ६ जना जेनजी कार्यकर्ता घाइते भएका थिए।
प्रदर्शन र तनावका कारण सिमरा क्षेत्रमा यातायात अवरुद्ध बनेको छ।
प्रतिक्रिया