.jpg)
२०८३ जेठ ०२ गते
ठूला सहकारीको अनुसन्धान गर्न नसक्ने भएपछि सहकारी विभागले गुहार्यो राष्ट्र बैंक
२०८० माघ ११ गते
सहकारी विभागले ठूला सहकारीको अनुसन्धान गर्न नसक्ने भएपछि नेपाल राष्ट्र बैंकलाई पत्राचार गरेको छ ।
संघअन्तर्गत रहेका ९ वटा सहकारीका बचतकर्ता धेरै भएपछि वित्तीय अनुसन्धान र विश्लेषणका लागि राष्ट्र बैंकलाई लेखेर पठाएको विभागका प्रवक्ता टोलराज उपाध्यायले वाणिज्यपोष्टलाई बताए । उनका अनुसार ५० करोडभन्दा माथि कारोबार हुने सहकारीको अनुसन्धान राष्ट्र बैंकले गर्न पाउने सहकारी ऐनमा व्यवस्था रहेबमोजिम राष्ट्र बैंकलाई पत्राचार गरिएको हो ।
Advertisement:
विभागले पशुपति सहकारी, शिवशिखर सहकारी, गौतमश्री सहकारी, लालीगुँरास सहकारी, कान्तिपुर सहकारी, हाम्रो कृषि सहकारी, यमुना आइडल सहकारी लगायतको अनुसन्धान गर्न राष्ट्र बैंकलाई पत्राचार गरेको हो । उनीहरूका सदस्यको संख्या र कारोबार रकम धेरै भएपछि त्यसको अनुसन्धान गर्न विभागले नसक्ने भएको हो ।
कतिपय सहकारीको बैंकभन्दा पनि धेरै कारोबार हुने भएकाले विभागलाई अनुसन्धान गर्न अप्ठ्यारो परेको हो । विभागले एक साताअगाडि पत्राचार गरेको प्रवक्ता उपाध्यायले जानकारी दिए । उनका अनुसार सहकारी ऐन–२०७४ अनुसार पत्र पठाइएको हो ।
विभागका प्रवक्ता उपाध्यायका अनुसार राष्ट्र बैंकले ५० करोडभन्दा माथिका सहकारीलाई स्वतः नियमन गर्नुपर्ने कानूनी आधार हुँदाहुँदै पनि सो काम नगरेकाले पत्र लेखेको दाबी गरे ।
प्रतिक्रिया