२०८३ असार ११ गते
निर्माण व्यवसायीलाई राष्ट्र बैंकको राहत : ऋण तिर्ने समय थप, पेनाल ब्याज लिन नपाइने
२०८१ चैत २८ गते
काठमाडौ । नेपाल राष्ट्र बैंकले निर्माण व्यवसायीलाई राहत दिएको छ । उनीहरुलाई ऋण तिर्ने समय थप गरेर आगामी असार मासन्तसम्म पुर्याइएको छ ।
सार्वजनिक निकायबाट स्रोत सुनिश्चित भई परियोजनाको निर्माण कार्य सम्पन्न भएको वा निर्माण कार्य भईरहेको तर भुक्तानी प्राप्त हुन बाँकी रहेका निर्माण व्यवसायीलाई प्रवाह भएको निर्माण व्यवसायसँग सम्बन्धित कर्जाको हकमा ऋणीको अनुरोधमा नगदप्रवाह विश्लेषण गरी आवश्यकता र औचित्यको आधारमा बुझाउनुपर्ने ब्याजको कम्तिमा १० प्रतिशत रकम असुल उपर गरी बाँकी रकम असार मसान्तसम्म पुरर्नसंरचना गर्न सकिने केन्द्रिय बैंकले भनेको छ ।
Advertisement:
यसरी पुनरतालिकीकरण / पुनरसंरचना गरिएको कर्जालाई २०८१ मंसिर मसान्तमा जुन वर्गमा वर्गीकृत गरिएको थियो, कम्तिमा सोही वर्गमा वर्गीकरण गर्नुपर्नेछ । साथै, त्यस्तो कर्जामा उक्त अवधिको पेनाल ब्याज लिन पाइने छैन । पुनरतालिकीकरण / पुनरसंरचना गरिएका कर्जाहरुमा ५ प्रतिशत कर्जा नोक्सानी व्यवस्था कायम गर्नुपर्नेछ ।
तर, यसअघि गरिएको कर्जा नोक्सानी व्यवस्था राइट ब्याक गर्न पाइने छैन । सम्बन्धित सार्वजनिक निकायबाट भुक्तानी प्राप्त हुन बाँकी रहेको कागजात लिएको हुनुपर्नेछ ।
प्रतिक्रिया