.jpg)
२०८३ असार १८ गते
निर्वाचन परिणामलाई स्वागत गर्यो शेयर बजारले, खुलेको पहिलो मिनेटमै पहिलो सर्किट
२०८२ फागुन २५ गते
निर्वाचनपछि खुलेको पहिलो कारोबार दिनमै शेयर बजारमा उत्साहजनक सुरुवात देखिएको छ। बजार खुलेको केवल १ मिनेटमै नेप्सेमा पहिलो सर्किट लागेर कारोबार २० मिनेटका लागि स्थगित भएको हो।
प्रि–ओपन सेसनमै नेप्से १.६४ प्रतिशतले बढेको थियो। त्यसपछि बजार खुलेलगत्तै सूचक तीव्र गतिमा उकालो लाग्दै १ मिनेटभित्रै ४ प्रतिशतले बढेपछि पहिलो सर्किट ब्रेकर लागेको हो।
Advertisement:
हालसम्म नेप्से परिसूचक १०८.६० अंकले बढेर २८२१.१० विन्दुमा पुगेको छ। सो अवधिसम्म २३१ वटा स्टकको १ हजार ६६९ पटक कारोबार हुँदा करिब १८ करोड ९६ लाख १२ हजार रुपैयाँ बराबरको ३ लाख २९ हजार कित्ता शेयर किनबेच भएको छ।
सर्किटका कारण रोकिएको कारोबार अब ११ बजेर २१ मिनेटमा पुनः सञ्चालन हुने बताइएको छ।
प्रतिक्रिया