हिमालयन लाइफ इन्स्योरेन्सको सत्रौं वार्षिक साधारणसभा सम्पन्न, १४ प्रतिशत बोनस शेयर दिइने

काठमाडौं । हिमालयन लाइफ इन्स्योरेन्सले चुक्ता पूँजीको १४ प्रतिशत बोनस शेयर (कर सहित) वितरणको प्रस्ताव पारित गरेको छ। कम्पनीको आज बसेको सत्रौं वार्षिक साधारणसभाले उक्त निर्णय पारित गरेको हो । यससँगै अब शेयरधनीले लाभांश प्राप्त गर्ने भएका छन्।बुक क्लोजको आधारमा माघ २४ गतेसम्म कायम शेयरधनीहरूले मात्रै लाभांश प्राप्त गर्न सक्नेछन्। साधारणसभा तथा लाभांश वितरण प्रयोजनार्थ कम्पनीले गत माघ २५ गते एक दिन बुक क्लोज गरेको थियो।

साथै बोनस शेयर वितरणपछि चुक्ता तथा जारी पूँजी बढ्ने भएकाले सोही अनुसार कम्पनीको प्रबन्धपत्र तथा नियमावलीमा संशोधन गर्न सञ्चालक समितिलाई अख्तियारी दिने प्रस्ताव पनि पारित भएको छ।

त्यसैगरी गत आर्थिक वर्षको वार्षिक प्रतिवेदन सहितका वित्तीय विवरणहरू पारित गर्नुका साथै चालू आवका लागि लेखापरीक्षक नियुक्ति र पारिश्रमिक निर्धारणको विषय टुङ्गिएको छ। आव ०७९।८० मा भएको खर्च अनुमोदन गर्ने प्रस्ताव समेत पारित भएको कम्पनीले जनाएको छ।