नेपाललाई ‘ग्रे-लिस्ट’मा राख्ने वा नराख्ने भन्ने विषयमा आजदेखि पेरिसमा छलफल शुरु हुँदै

काठमाडौँ। फाइनान्सियल एक्सन टास्कफोर्स एक्सन (एफएटीएफ)को प्लेनरी तथा वर्किङ ग्रुपको मिटिङ आज सोमबारदेखि फ्रान्सको पेरिसमा सुरू हुने भएको छ। पछिल्लो एक वर्षदेखि सुक्ष्म निगरानीमा रहेको नेपालका लागि पनि ग्रे-लिस्ट का बारेमा निर्णय हुने भएको छ।

आजदेखि सुरू हुने प्लनेरीमा नेपालबाट प्रधानमन्त्री तथा मन्त्रिपरिषदको कार्यालयका सचिव फणिन्द्र गौतम र राष्ट्र बैंकका निर्देशक हरि नेपाल पेरिस गइसकेका छन्।प्लनेरीले नेपाललाई ग्रे-लिस्टमा राख्ने वा नराख्ने भन्ने विषयमा अन्तिम निर्णय लिनेछ। यदि ग्रे-लिस्टमा राखेको खण्डमा नेपालले फेरि सुक्ष्म निगरानीमा रहेर सुधारका प्रयास गर्नुपर्नेछ।

यद्यपि अहिलेसम्मको अवस्थाअनुसार नेपाल ग्रे-लिस्टमा पर्ने सम्भावना बढी भएको अधिकारीहरूले बताउने गरेका छन्। अहिलेसम्मको अवस्थाअनुसार मुलुक ‘ग्रे लिस्ट’बाट जोगिन कठिन भएको धेरैले बताउँदै आएका छन्।