एनपीएल हेर्न छोरीको साथ नेपाल आइपुगे क्रिकेटका हस्ती लारा

काठमाडौं । विश्व क्रिकेटका हस्ती क्रिकेटर ब्रायन लारा नेपाल आइपुगेका छन् । नेपालमा हाल चलिरहेको एनपीएल क्रिकेट हेर्न लारा छोरीको साथ आइपुगेका हुन् । उनलाई क्रिेकेट एसोसिएसन नेपााल क्यानका पदाधिकारीहरुले त्रिभुवन विमानस्थलमा स्वागत गरेका छन् । लारा तीन दिन नेपालमा रहनेछन् ।

लाराले क्रिकेटमा १० हजारभन्दा बढी रन बनाएका छन्। टेस्ट क्रिकेटमा एकै पालिमा अविजित ४ सय रन बनाउने कीर्तिमान लाराकै नाममा छ। उनी टेस्ट क्रिकेटको एउटै पालिमा ४ सय रन बनाउने एकमात्र खेलाडी हुन्। उनले सन् २००४ मा एन्टिगुवामा भएको इङ्ल्यान्डविरुद्धको चौथो टेस्टमा अविजित ४ सय रन बनाएका थिए। उनले सन् २००३ मा टेस्ट क्रिकेटमै दक्षिण अफ्रिकाविरुद्धको खेलमा एकै ओभरमा २८ रन बनाउँदै कीर्तिमान रचेका थिए। उनको यो कीर्तिमान सन् २०२२ मा भारतका जसप्रीत बुमराहले तोडेका थिए।