.jpg)
२०८३ जेठ ०१ गते
नेप्से परिसूचकले दियो गिरावटलाई निरन्तरता, कारोबार रकम पनि घट्यो
२०८२ मंसिर २२ गते
काठमाडौँ। साताको दोस्रो कारोबार दिन पनि नेप्से परिसूचकमा ओरालो लागेको छ। यससंगै नेप्से लगातार ६ दिन घटेको छ।
आज नेप्से ३.०२ अंक तल झरेर २६०६.६७ विन्दुमा बन्द भयो। बजारसँगै कारोबार रकममा पनि कमजोरी देखियो । आइतबार ५ अर्ब ३३ करोड रुपैयाँको कारोबार भएको बजारमा सोमबार घटेर ४ अर्ब ६६ करोड ९५ लाख रुपैयाँमा सीमित भयो।
Advertisement:
यस दिन १३ उपसमूहमध्ये ५ उपसमूह उकालो लागे भने ८ उपसमूहमा गिरावट देखियो।
यस दिन ४ कम्पनी अप्पर साङ्गे हाइड्रोपावर, स्वस्तिक लघुवित्त, झापा इनर्जी र श्रीनगर एग्रीटेकको शेयर सकारात्मक सर्किट लेभलमा पुगे। यस दिन सर्वाधिक घट्नेमा सपोर्ट माइक्रोफाइनान्स रह्यो जसको शेयरमा ५.१६ प्रतिशतले गिरावट आएको छ ।
कारोबार रकमको हिसाबले ङादी ग्रुप पावर अग्रस्थानमा रह्यो, जसले एकै दिन ५५ करोड ८६ लाख रुपैयाँ बराबरको कारोबार गर्यो।
प्रतिक्रिया