.jpg)
२०८३ साउन ०७ गते
बैंकहरुबाट एक खर्ब रुपैयाँ उठाउदै केन्द्रिय बैंक
२०८३ साउन ०६ गते
काठमाडौंँ । नेपाल राष्ट्र बैंकले बैंकिङ प्रणालीबाट एक खर्ब रुपैयाँ उठाउदैछ । केन्द्रिय बैंकले आज (बुधबार, साउन ६) निक्षेप संकलन उपकरणमार्फत उक्त रकम उठाउँन लागेको हो ।
Advertisement:
यो रकमको साँवा व्याज भुक्तानी ८३ दिनपछि हुनेछ । निक्षेप राख्न चाहने बैंक तथा वित्तिय संस्थाले आज दिउसो ३ बजेसम्म अनलाइन प्रणालीमार्फत बिडिङ गर्न सक्नेछन् ।
१० करोड र बढीमा ५ करोड रुपैयाँले भाग गर्दा निःशेष भाग जाने गरी कुल आह्वान रकमसम्म बिडिङ गर्न सकिनेछ । यो निक्षेपलाई बैंक तथा वित्तीय संस्थामा धितोको रूपमा प्रयोग गर्न सकिन छे । निक्षेप संकलनकोबोलकबोल ब्याजदरमा गर्नुपर्नेछ । बहुब्याजदरमा पनि बहुबोलकबोल गर्न सकिनेछ ।
निक्षेप संकलन उपकरणको बोलकबोलमा नेपाल राष्ट्र बैंकबाट इजाजतपत्र प्राप्त “क”, “ख” र “ग” वर्गका बैंक तथा वित्तीय संस्थामात्र सहभागी हुन पाउने छन् । निक्षेप संकलनकोबोलकबोलमा निक्षेपवापत् जम्मा गर्न चाहेको रकम र ब्याजदर (दशमलव पछिको हकमा चार अंकसम्म) उल्लेख गर्नु पर्नेछ ।
निक्षेप संकलनको लागि आह्वान गरिएकोरकम बाँडफाँड गर्दा बोलबमोजिम सबैभन्दा कम ब्याजदरलाई पहिलो प्राथमिकता क्रममा राखी आह्वान गरेकोरकमसम्म क्रमशः बाँडफाँड गरिनेछ । समान ब्याजदर उल्लेख भएका बोल रकम समावेश गर्दा कुल निष्काशित रकमभन्दा बढी भएमा प्रो राटाको आधारमा बाँडफाँड गरिनेछ ।
बैकिङ प्रणालीको तरलता व्यवस्थापन गर्न केन्द्रिय बैंकले पटक पटक विभिन्न उपकरण मार्फत तरलता प्रशोचन गरिरहेको छ ।
प्रतिक्रिया