नेपाल फाइनान्सको खुद नाफा २४२५.१२ प्रतिशतले बढ्यो

काठमाडौँ । शेयर बजारमा बढी चर्चामा आइरहने नेपाल फाइनान्स कम्पनीको नाफा राम्रो अंकका साथ वृद्धि भएको छ । चालु आवको दोस्रो त्रैमासमा नेपाल फाइनान्सले २ करोड ५ लाख रुपैयाँ खुद नाफा कमाएको छ। यो नाफा गत वर्षको भन्दा २४२५.१२ प्रतिशतले धेरै हो। गत वर्ष यसले ८ लाख १२ हजार रुपैयाँ मात्र नाफा कमाएको थियो।

कम्पनीको रिजर्भ कोषमा ४८ करोड २१४ लाख रुपैयाँ रहेको छ भने खराब कर्जा पनि १०.५२ प्रतिशतबाट घटेर १०.४६ प्रतिशत भएको छ। कम्पनीको प्रतिसेयर आम्दानी २२ पैसाबाट बढेर ५.६२ रुपैयाँ कायम भएको छ। त्यस्तै प्रतिसेयर नेटवर्थ १३७.०७ रुपैयाँ रहेको छ।