रास्वापा सभापति लामिछानेलाई आज अदालतमा उपस्थित गराइँदै

काठमाडौँ। पूर्वगृहमन्त्री रवि लामिछानेलाई कास्की जिल्ला अदालतमा आज उपस्थित गराइँदै छ । सहकारीको रकम अपचलनको अभियोगमा अनुसन्धानका निम्ति प्रहरी हिरासतमा रहेका राष्ट्रिय स्वतन्त्र पार्टीका सभापति लामिछानेलाई आज अदालतमा उपस्थित गराउन लागिएको हो।

सूूर्यदर्शन बचत तथा ऋण सहकारी संस्थाको रकम अपचलन तथा सङ्गठित अपराधमा शुक्रबार पक्राउ परेका लामिछानेलाई सोही दिन राति पोखरा ल्याएर जिल्ला प्रहरी कार्यालय कास्कीमा हिरासतमा राखिएको छ । सभापति लामिछानेलाई आज अदालत उपस्थित गराइने जिल्ला प्रहरी कार्यालयका प्रवक्ता वसन्तकुमार शर्माले जानकारी दिए।