बचत फिर्ताको मागदाबी गर्न छुटेका १० वटा समस्याग्रस्त सहकारीका बचतकर्ताले १५ दिनभित्र मागदाबी गर्न पाउने

काठमाडौँ। समस्याग्रस्त घोषणा भएका १० सहकारीका बचतकर्तालाई आफ्नो बचत फिर्ताको मागदाबी गर्न समस्याग्रस्त सहकारी व्यवस्थापन समितिले आव्हान गरेको छ । मागदाबी गर्न छुट भएका बचतकर्तालाई १५ दिनभित्र मागदाबी पेश गर्न भनेको छ । समितिले पहिलो पटक ३५ दिनको समय दिएर बचतफिर्ता मागदाबी गर्न समय दिएको थियो । त्यतिबेला पनि सबैको मागदाबी नपरेपछि पुन १५ दिनको समय दिएर मागदाबी गर्न भनेको थियो । दुईपटक समय दिदा पनि छुटेका बचतकर्तालाई तेस्रो पटक फेरी १५ दिनको सयम भित्र मागदाबी गर्न भनेको छ ।

कात्तिक १ गतेदेखि १५ गतेसम्म ती सहकारीका बचतकर्ताले मागदाबी गर्न पाउनेछन् । शिवशिखर, तुलसी, कान्तिपुर, गौतम श्री, हाम्रो नयाँ कृषि सहकारी र कृषि विकास बहुउदश्यीय सहकारीका बचतकर्ताले मागदाबी गर्न पाउनेछन् । यस्तै लालीगुराँस बहुउदेश्यीय सहकारी संस्था, गोरखा सेभिङ एण्ड क्रेडिट, नेपाल सहकारी वित्तिय संस्था र पशुपति सेभिङ एण्ड क्रेडिटका बचतकर्ताले १५ दिनभित्र बचत फिर्ताको मागदाबी गर्न सक्नेछन् ।