एनआइसी एशिया बैंकले ५ अर्बको अग्राधिकार सेयर जारी गर्ने, प्रस्ताव पारित गर्न बोलायो साधारणसभा

काठमाडौ । एनआइशी एशिया बैंकले अग्राधिकार सेयर प्रस्ताव पारित गर्न साधारणसभा बोलाएको छ । बैंकले प्रतिकित्ता १ सय रुपैयाँ अंकित मूल्यको ५ अर्ब रुपैयाँको एनआइसी एसिया अविमोच्य असञ्चिति अग्राधिकार सेयर जारी गर्ने जनाएको छ ।

अग्राधिकार सेयर प्रस्ताव पारित गर्न फागुन २२ गते बिहान ९ बजे आर्मी अफिसर्स क्लब भद्रकाली काठमाडौंमा २७ औं वार्षिक साधारण सभा बोलाएको हो । बैंकको माघ २८ गते बसेको सञ्चालक समिति बैठकले सो दिन साधारणसभा गर्ने मिति तय गरेको छ ।

यसैगरी बैंकको साधारण सभाले बैंकको अधिकृत पुँजी १४ अर्ब ९२ करोड रुपैयाँबाट वृद्धि गरी १९ अर्ब ९२ करोड रुपैयाँ पुर्याउने प्रस्ताव पनि पारित गर्नेछ । साथै, जारी तथा चुक्ता पुँजी १४ अर्ब ९१ करोड ७५ लाख ६६ हजार रुपैयाँबाट वृद्धि गरी १९ अर्ब ९१ करोड ७५ लाख ६६ हजार रुपैयाँ पुर्याउने प्रस्ताव पारित गर्नेछ ।