पुष २१ गतेदेखि आइपीओ  निष्काशन गर्न लागेको गार्डियन माइक्रो लाइफमा कति कित्तासम्म पाइन्छ आवेदन दिन ?

काठमाडौ । गार्डियन माइक्रो लाइफ इन्सुरेन्स लिमिटेडले सर्वसाधारण लागि पुस २१ गते आइतबारदेखि आइपीओ निष्कासन गर्ने भएको छ । कम्पनीले सर्वसाधरणका लागि आइपिओ जारी गर्न लागेको हो । उक्त आइपिओ प्रतिकित्ता १०० रुपैयाँका दरको हो । कम्पनीले १८ करोड ४५ लाख रुपैयाँ बराबरको १८ लाख ४५ हजार कित्तासम्म सेयर निष्काशन गर्दैछ । यसमा पुस २१ गतेदेखि २४ गतेसम्म आवेदन दिन सकिनेछ । न्यूनतम १० कित्तादेखि अधिकतम १ लाख कित्ताका लागि आवेदन दिन पाइनेछ ।

रेटिङ एजेन्सी केयर नेपालले इन्सुरेन्सको आइपीओलाई ‘केयरएनपी बीबी माइनस रेटिङ’ प्रदान गरेको छ । जसले कम्पनीको दायित्व बहन गर्ने क्षमतामा मध्यमस्तरको जोखिम रहेको जनाउँछ । यो आइपीओमा कुमारी क्यापिटल बिक्री प्रबन्धक रहेको छ ।

कम्पनीले वैदेशिक रोजगारीमा रहेका नेपालीलाई प्रतिकित्ता १०० रुपैयाँका दरमा २ लाख २५ हजार कित्ता आइपीओ बिक्री गरिसकेको छ । त्यस्तै, ६७ हजार ५०० कित्ता सेयर कर्मचारी र १ लाख १२ हजार ५०० कित्ता सेयर सामूहिक लगानी कोषका लागि सुरक्षित गरेको छ । सर्वसाधारणले बाँकी रहेको १८ लाख ४५ हजार कित्ता सेयरका लागि आवेदन दिन सक्नेछन् ।