शेयर बजारमा एकल अंकको गिरावट, कारोबार रकम बढेर ५ अर्ब भन्दा माथि

काठमाडौँ । साताको पहिलो कारोबार दिन नेप्से परिसूचक एकल अंकले घटेको छ । यस दिन नेप्से ४.५९ अंकले घटेर २०७३.१९ अंकमा बन्द भएको छ । बजार खुलेदेखिनै विभिन्न उतारचढाव व्यहोरेको नेप्से अन्ततः ०.२२ प्रतिशतले घटेको हो ।

आज नेप्सेमा १३ उपसमूहमध्य पाँच वटा उपसमूहको परिसूचक बढेको छ भने अन्य आठ उपसमूहको परिसूचक घटेका छन् । आइतबार  सर्वाधिक बढ्ने उपसमूहमा होटल तथा पर्यटन रह्यो जसको परिसूचक २.९२ प्रतिशतले वृद्धि भएको छ । यसै गरी सर्वाधिक घट्नेमा व्यापार उपसमूह रह्यो जसको परिसूचक १.५४ प्रतिशतले घटेको छ ।

आइतबार सर्वाधिक रकमको कारोबार गर्नेमा एनआरएन इन्फ्रास्ट्रकचार एण्ड डेवलपमेन्ट रह्यो जसको ३२ करोड ३ लाख रुपैयाँ बराबरको शेयर किनबेच भएको छ । संख्याको हिसाबले सर्वाधिक शेयर कारोबार हुनेमा पनि सोहि कम्पनी रह्यो जसको पाँच लाख दुई हजार चार सय २१ कित्ता शेयर किनबेच भएको छ ।