नेप्सेमा झिनो अंकको गिरावटसँगै कारोबार रकम पनि घट्यो

काठमाडौँ । मंगलबार शेयर बजारमा झिनो अंकको गिरावट आएको छ । यस दिन नेप्से परिसूचक १.८५ अंकले घटेर २०१०.२१ अंकमा बन्द भएको छ । बजार खुलेदेखिनै विभिन्न उतारचढाव व्यहोरेको नेप्से अन्ततः ०.०९ प्रतिशतले घट्न पुगेको हो ।

आज नेप्सेमा १३ उपसमूहमध्य ६ उपसमूहका परिसूचक बढेका छन् भने अरु ७ उपसमूह घटेका छन् । यस दिन सर्वाधिक बढ्नेमा लघुवित्त उपसमूह रह्यो जसको परिसूचक १.८९ प्रतिशतले बढेको छ । त्यसै गरी सर्वाधिक घट्ने उपसमुहमा फाइनान्स रह्यो जसको परिसूचक ०.७९  प्रतिशतले घटेको छ ।

आज सर्वाधिक रकमको कारोबार गर्ने कम्पनीमा गुर्खाज फाइनान्स रह्यो भने सर्वाधिक शेयर कारोबार हुनेमा प्रभु सेलेक्ट फन्ड रह्यो ।