.jpg)
.jpg)
२०८३ असार ०५ गते
विकास बैंकहरुको नाफा एक अर्ब ३५ करोड, मुक्तिनाथ बन्यो नम्बर वान
२०८० कात्तिक ०१ गते
काठमाडौं । चालु आर्थिक वर्ष २०८०र८१ को पहिलो दुई महिनामा विकास बैंकहरुले एक अर्ब ३५ करोड रुपैयाँ खुद नाफा कमाएका छन् । हाल सञ्चालनमा रहेका १७ वटा विकास बैंकहरुले साउन र भदौ महिनामा उक्त नाफा कमाएका हुन् । दुई महिनाको अवधिमा १३ वटा विकास बैंकले खुद नाफा आर्जन गरेका छन् भने चार वटा घाटामा रहेका छन् ।
सर्वाधिक नाफा कमाउने मुक्तिनाथ विकास बैंक अगाडि रहेको छ । मुक्तिनाथले साउन र भदौमा ३१ करोड २८ लाख रुपैयाँ खुन नाफा आर्जन गरेको छ ।त्यस्तै, दोस्रोमा गरिमा विकास बैंक रहेको छ । गरिमाले दुई महिनामा १६ करोड ५५ लाख रुपैयाँ खुद नाफा आर्जन गरेको छ ।
Advertisement:
तेस्रो स्थानमा रहेको लुम्बिनी विकास बैंकले १५ करोड ६७ लाख नाफा आर्जन गरेको छ ।त्यसैगरी चौथो र स्थानमा लुकामना सेवा विकास बैंक र सांग्रिला डेभलपमेन्ट बैंकले क्रमशः १३ करोड ९१ लाख र १२ करोड ४ लाख रुपैयाँ नाफा कमाएका छन् ।
शाइन रेसुंगा डेभलपमेन्ट बैंकले ११ करोड ७१ लाख, महालक्ष्मी विकास बैंकले ११ करोड ४५ लाख र ज्योति विकास बैंकले १० करोड ९४ लाख रुपैयाँ नाफा आर्जन गरेका छन् ।
कर्णाली डेभलपमेन्ट बैंकले ४ करोड ६८ लाख, सिन्धु विकास बैंकले २ करोड ७४ लाख, कर्पोरेट डेभलपमेन्ट बैंकले २ करोड ६६ लाख र ग्रीन डेभलपमेन्ट बैंकले १ करोड ३ लाख रुपैयाँ नाफा आर्जन गरेको छ ।
दुई महिनाको अवधिमा साल्पा विकास बैंकले सबैभन्दा कम ४० लाख रुपैयाँ नाफा आर्जन गरेको छ ।
यस्तै, सोही अवधीमा चार वटा विकास बैंकहरु भने घाटामा गएका छन् । सबैभन्दा धेरै घाटा एक्सेल डेभलपमेन्ट बैंकको रहेको छ । दुई महिनामा एक्सेलको खुद घाटा १७ करोड ५० लाख रुपैयाँ पुगेको छ । त्यसैगरी, सप्तकोसी, नरायणी र मितेरीको खुद घाटा क्रमशः एक करोड ६७ लाख, ७६ लाख र ६४ लाख रुपैयाँ रहेको छ ।
प्रतिक्रिया