.jpg)
२०८३ जेठ ०२ गते
सुनकोशी नदीमा खसेको हाइलेक्स गाडी भेटियो,चालकसहित तीन जना अझै बेपत्ता
२०८१ भदौ ०९ गते
काठमाडौँ । सिन्धुलीको गोलन्जोर गाउँपालिका–१ बेलटारस्थित सडकबाट सुनकोशी नदीमा खसेको हाइलेक्स गाडी भेटिएको छ । आइतवार बिहान २ बजेतिर गाडी नदीमै फेला परेको सिन्धुलीका एसपी गोविन्द काफ्लेले जानकारी दिए ।
‘गाडी भेटिएको छ । गोताखोर टोलीले आइतवार बिहान २ बजे भेट्टाएको हो । तर भीर भएकाले सडकमा ल्याउन सकिएको छैन । नदीको साइडमै राखिएको छ,’ उनले भने । गाडीसँगै सुनकोशी नदीमा खसेका तीनजना भने अझै बेपत्ता छन् ।
Advertisement:
एकजना घाइतेलाई उद्धार गरी उपचारका लागि खुर्कोटस्थित अस्पताल पठाइएको छ ।बेपत्ता हुनेमा भक्तपुरको जगाती बस्दै आएका ३२ वर्षीय अबिन बाके, ३० वर्षीय पुनित सैंजु र ३७ वर्षका बलाम घटुवा छन् ।
जगातीकै २७ वर्षीय सुशान्त कक्षपति भने हाम्फालेर बाँचेको पाइएको छ । । कक्षपतिको टाउको र पातामा चोट लागेको छ । घाइतेलाई उद्धृत गर्दै प्रहरीले दिएको जानकारीअनुसार बाकेले गाडी चलाइरहेका थिए ।
बेपत्ताको खोजी जारी रहेको एसपी काफ्लेले बताए । खोटाङको हलेसीबाट काठमाडौंतर्फ आइरहेको सो हाइलेक्स गाडी शनिवार करिब साँझ ५ः३० बजे नदीमा खसेको थियो ।
प्रतिक्रिया