.png)
.jpg)
२०८३ असार १६ गते
रामेश्वर खनाललाई प्रश्न-तपाइँ अर्थमन्त्री बन्न लाग्नुभएको हो ?
२०८२ भदौ २९ गते
काठमाडौँ । जेनजी आन्दोलनको जगमा बनेको अन्तरिम सरकारको अर्थमन्त्रीका रुपमा पूर्व अर्थसचिव रामेश्वर खनालको नाम चर्चामा आइरहेको छ । अन्तरिम सरकारको प्रधानमन्त्रीका रुपमा सुशीला कार्कीले आइतबार पदभार ग्रहण गरेपछि बिस्तार हुने नयाँ मन्त्रीमण्डलमा अर्थमन्त्रीका रुपमा खनालको नाम लिइन थालिएको छ । अनलाइन भोटिङ मार्फत प्रधानमन्त्री छानेका जेनजी प्रतिनिधीहरुले मन्त्रीहरु पनि आनलाइन मार्फत नै छान्ने तयारी गरेको बुझिएको छ ।
वाणिज्यपोष्टले पूर्व अर्थसचिव खनाललाई तपाइँ अर्थमन्त्री बन्न लाग्नुभएको हो ? भनेर सोधेको प्रश्नमा आफूलाई प्रस्ताव आएको तर निर्णय भइनसकेको प्रतिक्रिया दिए । उनले भने, 'युवाहरुले मेरो नाम प्रस्ताव गरेको भन्ने छ कुराहरु आइराखेका छन् तर अहिले निर्णय भने भइसकेको छैन ।'
Advertisement:
उता रास्वपाका नेता स्वर्णिम वाग्लेले पनि आजको विकराल आर्थिक अवस्था सम्हाल्न सक्षम रामेश्वर खनाल रहेको भन्दै रामेश्वर खनाललाई समर्थन गरेको बताएका छन् ।पूर्व अर्थसचिव रामेश्वर खनाललाई क्षमतावान प्रशासक र कुशल अर्थशास्त्रीका रुपमा हेरिँदै आएको छ ।
प्रतिक्रिया