.jpg)
२०८३ जेठ ०१ गते
नेप्से परिसूचक १५.३३ अंकले बढ्यो, शेयर बजार २१०० बिन्दुमाथि
२०८० माघ २९ गते
काठमाडौँ । साताको दोस्रो कारोबार दिन नेप्से परिसूचक दोहोरो अंकले बढेको छ । यस दिन नेप्से परिसूचक १५.३३ अंकले बढेर २१०१.१६ अंकमा बन्द भएको छ । बजार खुलेदेखिनै विभिन्न उतारचढाव व्यहोरेको नेप्से अन्ततः ०.७३ प्रतिशतले बढ्न पुगेको हो ।
शेयर बजारमा आज १२ उपसमूहको परिसूचक बढेको छ भने एक उपसमूहको परिसूचक घटेको छ। सोमबार कारोबारमा आएको उत्पादन तथा प्रशोधन उपसमूहको परिसूचक यस दिन सर्वाधिक २.२२ प्रतिशत बढेको छ भने अन्य समुहको परिसूचक ०.०५ प्रतिशतले घटेको छ ।
Advertisement:
यस दिन नेप्से परिसूचक बढे पनि कारोबर रकम भने घटेर ३.५८ अर्ब बढीको शेयर किनबेच भएको छ । जसमा १९९ कम्पनी बढेका छन् भने ४५ कम्पनी घटेका छन् । यसैगरी ४ वटा कम्पनीको शेयर भने स्थिर रहन पुगेका छन् । आज बोटलर्स नेपाल बालाजु, समाज लघुवित्त, कुथेलि बुखारी हाइड्रोपावर, चिर्ख्वा हाइड्रोपावर, बलेफी हाइड्रोपावर कम्पनीको शेयरमा सकारात्मक सर्किट लागेको छ । त्यसैगरी, आज सर्वाधिक घट्ने कम्पनीमा एनआइसी एसिया ग्रोथ फन्ड-२ रह्यो जसको शेयरमा ८.८९ प्रतिशतले घटेको छ ।
सोमबार सर्वाधिक रकमको कारोबार गर्ने कम्पनीमा हिमालयन रिइन्सुरेन्स रह्यो भने सर्वाधिक शेयर कारोबार हुने कम्पनीमा एनएमबी शुलभ इन्भेस्टमेन्ट फन्ड-२ रह्यो ।
प्रतिक्रिया