.jpg)
२०८३ जेठ ०२ गते
लगातार सात दिनको घटाइ पछि नेप्से दोहोरो अंकले बढ्यो
२०८० माघ १४ गते
काठमाडौँ । लगातार सात दिनको घटाइ पछि आइतबार भने शेयर बजार दोहोरो अंकले बढेको छ । आइतबार नेप्से परिसूचक १०.३७ अंकले बढेर २०९४.४६ अंकमा बजार बन्द भएको छ । बजार खुलेदेखिनै विभिन्न उतारचढाव व्यहोरेको नेप्से अन्ततः ०.४९ प्रतिशतले बढ्न पुगेको हो ।
बजारमा आज ३.८९ अर्व रुपैयाँ बढीको कारोबार भएको छ । जसमा १७३ कम्पनी बढेका छन् भने ७० कम्पनी घटेका छन् । यसैगरी ४ वटा कम्पनीको शेयर भने स्थिर रहन पुगेका छन् । शेयर बजार बढेसँगै माथिल्लो मैलुंग खोला र मिड सोलु हाइड्रोपावर कम्पनीको शेयरमा भने दश प्रतिसतको उछाल आएको छ । त्यसैगरी, यस दिन हाथवे इन्भेष्टमेन्टको शेयरमूल्य ८.७३ प्रतिशत बढेको छ। यस दिन चन्द्रागिरी हिल्सको शेयरमूल्य सर्वाधिक ९.८६ प्रतिशत घटेको छ ।
Advertisement:
आज सर्वाधिक रकमको कारोबार गर्ने कम्पनीमा हिमालयन रिइन्सुरेन्स रह्यो भने सर्वाधिक शेयर कारोबार हुने कम्पनीमा ङादी ग्रुप पावर लिमिटेड रह्यो ।
यस दिन विकास बैंक, जलविद्युत र अन्य उपसमूहको परिसूचक १ प्रतिशतभन्दा बढी बढेको छ भने होटल तथा पर्यटन उपसमूहको परिसूचक करिब १ प्रतिशत घटेको छ।
प्रतिक्रिया