२०८३ भदौ २१ गते
८७ हजार ८ सय ७७ ग्यास सिलिण्डर रिफिल गरी काठमाडौं ल्याइयो
२०८३ भदौ २१ गते
काठमाडौं । नेपाल आयल निगमले १८ गतेदेखि २० गतेसम्म विभिन्न १६ वटा ग्यास ब्राण्डका कुल ८७,८७७ सिलिण्डरहरू रिफिल गरी काठमाडौं ल्याएको छ । निगमले सुचना जारी गर्दै तीन दिनमा यति परिणाममा ग्यास ल्याएको जनाएको हो ।
Advertisement:
निगमको केन्द्रीय कार्यालय, बबरमहलले जारी गरेको सूचना अनुसार काठमाडौं, धादिङ तथा काभ्रेपलाञ्चोकमा रहेका ग्यास उद्योगहरूका ग्यास सिलिण्डरहरूलाई तराईका विभिन्न जिल्लाका उद्योगहरूमा रिफिल गरी काठमाडौं ल्याउने व्यवस्था मिलाइएको छ । बारा, पर्सा, मकवानपुर, चितवन, नवलपरासी, धनुषा तथा महोत्तरी जिल्लामा अवस्थित उद्योगहरूबाट ग्यास रिफिल गरी वैकल्पिक मार्गबाट काठमाडौं ल्याई बिक्री वितरण भइरहेको निगमले जनाएको छ ।
प्रतिक्रिया