.jpeg)
.png)
.jpg)
२०८३ साउन १२ गते
खहरे खोलामा फेरी गयो पहिरो,नारायणगढ–मुग्लिन सडक अवरुद्ध
२०८३ साउन १२ गते
चितवन । नारायणगढ-मुग्लिन सडक खण्डको खहरे खोलामा पुनः सुक्खा पहिरो खसेको छ । आज बिहान ८ः३० बजे खसेको पहिरो दिउँसो १ः१५ बजे पन्छाएर सञ्चालनमा ल्याइएको थियो । दिउँसो २ः५० बजे पुनः पहिरो खसेर सडक अवरुद्ध भएको छ ।
Advertisement:
डिभिजन सडक कार्यालय चितवनका इन्जिनियर अर्जुन घिमिरेका अनुसार पहिरो पन्छाउन कम्तीमा २ घण्टा लाग्ने छ । पहिरो खस्ने जोखिम अझै कायमै रहेको उनले जानकारी दिए। पहिरो खसेसँगै पुनः सवारीसाधन रोकिएका छन् । पहिरो पन्छाउने कार्य सुरु गरिएको उनले बताए। चालीस मिटर माथिबाट ढुङ्गासहितको सुक्खा पहिरो खसेको छ ।
यो सडक काठमाडौँको लाइफलाइनका रूपमा रहेको छ । यस सडक हुँदै दैनिक १० हजार बढी सवारीसाधन आवतजावत गर्ने गर्दछन् ।
प्रतिक्रिया