.jpg)
२०८३ असार २५ गते
बजारमा जथाभावी खसीको मासुको मूल्य निर्धारण,खसी बोकाको उचित मूल्य निर्धारण गर्दै सरकार
२०८३ असार २५ गते
काठमाडौं । कृषि, वन तथा वातावरण मन्त्री गीता चौधरीले किसानले उत्पादन गरेको खसी बोकाको उचित मूल्य सुनिश्चित गर्ने विषयमा गम्भीर ध्यानाकर्षण भएको बताएकी छन् ।
Advertisement:
केही दिन यता खसीको मासुको आफूखुशी मूल्य निर्धारण गर्न थालिएको छ । यसले उपभोक्ता प्रभावित बनेका छन् ।बजार मा अहिले खसीको मासु १३ सयबाट बढाएर १६ देखि १७ सय प्रति केजीमा बिक्री भैरहेको छ ।
यस सम्बन्धमा किसानबाट व्यापारी तथा बजारसम्मको आपूर्ति शृङ्खला, खरिद मूल्य तथा उत्पादकले पाउने वास्तविक प्रतिफलका विषयमा तथ्याङ्क संकलन तथा अध्ययनको प्रक्रिया अघि बढाइएको छ ।
किसानले आफ्नो उत्पादनको न्यायोचित मूल्य प्राप्त गर्ने वातावरण निर्माण गर्दै उपभोक्तासम्म सहज र पारदर्शी आपूर्ति प्रणाली विकास गर्न सम्बन्धित निकायहरूसँग आवश्यक समन्वय र सहकार्य भइरहेको छ ।
उत्पादक र उपभोक्ता दुवैको हितलाई ध्यानमा राखी आवश्यक नीतिगत तथा समन्वयात्मक पहलका बारेमा थप निर्णय छिट्टै सार्वजनिक हुने मन्त्रालयले जनाएको छ ।
प्रतिक्रिया