.jpg)
२०८३ साउन २९ गते
सन् २०३८ सम्ममा भारत विश्वको दोस्रो ठूलो अर्थतन्त्र बन्न सक्छ, यस्तो छ ईवाई प्रतिवेदनले दिएको आधार
२०८२ भदौ १२ गते
काठमाडौँ । इंग्ल्याण्डमा रहेको प्रतिष्ठित ईवाई इकोनोमी वाच रिपोर्टको अगस्ट संस्करण अनुसार, भारत २०३८ सम्ममा विश्वको दोस्रो ठूलो अर्थतन्त्रको रूपमा उभिन सक्ने अनुमान सार्वजनिक गरेको छ । साथै प्रतिवेदनले भारतको २०३८ सम्ममा ३४.२ ट्रिलियनको कुल गार्हस्थ्य उत्पादन हुने जनाएको छ । सो प्रतिवेदनले भारतको विकासमा अनुकूल जनसांख्यिकीले मात्र नभई संरचनात्मक सुधार र लचिलो आर्थिक आधारभूत कुराहरूले पनि सहयोग पुर्याएको जनाएको छ । अन्तर्राष्ट्रिय मुद्रा कोष (आईएमएफ) को अनुमानलाई उद्धृत गर्दै ईवाईले निकट भविष्यमा भारतको अर्थतन्त्र २०३० सम्ममा २०.७ ट्रिलियन डलर (पीपीपी) पुग्ने अनुमान गरेको छ।
Advertisement:
हालै अमेरिकाले कायम गरेको भन्सार शुल्कले भारतको जीडीपीको लगभग ०.९प्रतिशतलाई असर गर्न सक्ने समेत उल्लेख गरिएकोछ । तर प्रतिवेदनले उल्लेख गरेको छ कि यदि भारतले निर्यात विविधीकरण गर्ने, घरेलु माग बढाउने र अन्य देशहरू र समूहहरूसँग व्यापार साझेदारीलाई अगाडि बढाउने जस्ता उपाय अपनाएमा जीडीपी वृद्धिमा ०.१ प्रतिशत मात्र प्रभाव पर्ने कुरा उल्लेख गरेको छ ।
विश्वका ठूला अर्थतन्त्रहरूमध्ये अहिले भारत अर्थतन्त्रमा अगाडि आउनुमा उच्च बचत र लगानी दर, अपेक्षाकृत युवा जनसंख्या, र दिगो वित्तीय स्थिति रहेको छ ।भारतकोे विश्वव्यापी रूपमा दोस्रो उच्च बचत दर र सरकारी ऋण जीडीपी अनुपात २०२४ मा ८१.३५ बाट घटेर २०३० सम्ममा ७५.८५ हुने अपेक्षा गरिएको छ ।
भारतको आर्थिक लचिलोपन नीति, घरेलु मागमा निर्भरता र आधुनिक प्रविधिहरूमा बढ्दो क्षमता हुँदाहुँदै पनि भन्सार राजश्वको दबाब र सुस्त व्यापार जस्ता विश्वव्यापी अनिश्चितताहरूले भने अर्थतन्त्रलाई दबाब दिने देखिएको छ । विश्वको सबैभन्दा ठूलो अर्थतन्त्र चीनको २०३० सम्ममा कुल गार्हस्थ उत्पादन ४२.२ ट्रिलियन डलर पुग्ने अनुमान गरिएको छ तर धेरै वृद्ध जनसंख्या र बढ्दो ऋणका कारण चीनले प्रतिकूल परिस्थितिको सामना गरिरहेको छ। यसैबीच, संयुक्त राज्य अमेरिकाले जीडीपीको १२० प्रतिशत सम्म ऋण पुग्ने अनुमान र सुस्त वृद्धिसँग संघर्ष गरिरहेको छ भने विश्व अर्थतन्त्रमा उदाउँदो देशहरु जापान र जर्मनी दुवै देश उच्च औसत आयु र विश्वव्यापी व्यापारमा बढी निर्भर रहेका कारण पनि भारत दोस्रो ठूलो अर्थतन्त्र भएको मुलुक बन्ने अनुमान गरिएको जनाइएको छ ।
प्रतिक्रिया