एसईई दिने परीक्षार्थीका लागि गन्तब्यमा पुर्याउन महानगरले सवारीसाधनको व्यवस्था गर्ने

काठमाडौं । राजावादी र गणतन्त्रवादीले आज गर्न लागेको प्रदर्शनका कारण एसईई दिएर फर्किने विद्यार्थीलाई असुविधा नहोस् भनेर महानगरले सवारी साधनको व्यवस्था गर्ने भएको छ ।

परीक्षा दिएर फर्किने क्रममा सवारी साधन उपलब्ध नभए विद्यार्थीहरूलाई गन्तव्यमा पुर्‍याउने व्यवस्था महानगरपालिकाले गरेको हो ।

महानगरपालिकाका मुख्य चार क्षेत्रबाट विद्यार्थीलाई गन्तव्यमा पुर्‍याउने व्यवस्था मिलाइएको महानगरपालिकाले जनाएको छ ।

विद्यार्थीलाई गन्तव्यमा पुर्‍याउने जिम्मा नगर प्रहरी बललाई जिम्मा दिइएको छ । बानेश्वरमा नगर प्रहरी उपरीक्षक दिनेकुमार अर्याल, रत्नपार्कमा नगर प्रहरी उपरीक्षक मनोजप्रसाद लामिछाने, नयाँ बसपार्कमा नगर प्रहरी नायब उपरीक्षक पूर्णचन्द्र भट्ट र टेकु क्षेत्रमा नगर प्रहरी निरीक्षक प्रकाश पण्डित नेतृत्वको टोली खटाइएको छ ।

सम्पर्क व्यक्ति र नम्बर

न.प्र.उ दिनेशकुमार अर्याल ९८५१०६८०९६ (वानेश्वर)

न.प्र.उ मनोज प्रसाद लामिछाने ९८५१०९३१७६ (रत्नपार्क)

न.प्र.ना उ पूर्णचन्द्र भट्ट ९८५१२३३६३३(नयाँ बसपार्क)

न.प्र.नि प्रकाश पण्डित ९८५१०५६३४६ (टेकु)

हटलाइन -०१५९०१७६४