२०८३ असार १७ गते
प्रधानमन्त्री ओलीले भने, 'म पद छाड्न तयार छु तर युवा पनि आउन तयार हुनुपर्यो'
२०८२ भदौ ०३ गते
काठमाडौ । आज (भदौ ३) देखि सुरु भएको नाडा अटो शो उद्घाटन गर्न पुगेका प्रधानमन्त्री केपी शर्मा ओलीले नाडाले सही युवालाई नेतृत्व छानेको बताएका छन् ।
मंगलबार काठमाडौंको भृकुटिमण्डपमा १७ औं संस्करणको नाडा अटो शोको उद्घाटन गर्दैै प्रधानमन्त्री केपी शर्मा ओलीले अहिले नाडामा केही गर्नुपर्छ भन्ने भिजन भएका अध्यक्ष युवा जोश जागर भएको बताए ।
Advertisement:
उनले भने, यस्तै यूवाहरु आउँनुपर्छ, मैले यसो भनिरहँदा फेरी समाचारका हेडलाइन आफुलेचाहि पद छाडेर यूवालाई किन नदिएको भन्दै आउने होला । म पनि पद छाड्न तयार छु तर त्यसको लागि युवाहरु पनि तयार हुनुपर्यो नी ?
उनको उक्त अभिव्यक्तिले कार्यक्रममा उपस्थितहरुमा हासोको फोहरा उठेको थियो ।
यस्तै प्रधनमन्त्री ओलीले वैज्ञानिक खोज, अध्ययनसँगै नयाँ नयाँ विकास, आविष्कार र प्रगति भएको बताउँदै नेपालले पनि त्यस प्रकारको विकासको सहज उपभोग गर्ने स्थिति बनाउनुपर्नेमा जोड दिए ।उनले नयाँ ढंगले काम गर्ने युवाहरूलाई सरकारले सबै खालको साथ दिने विश्वास दिलाए ।
प्रतिक्रिया