मानवीय संवेदनालाई ख्याल गर्दै अवतरण अनुमति नलिइ आएको थाइ एयर एशियाको जहाजलाई बिमानस्थलमा अवतरण गर्न दिइयो, कारबाही गर्ने तयारी

काठमाडौ । अवतरण अनुमति नलिइकन थाइल्याण्डको बैंककबाट आएको थाइ एयर एशियाको जहाजलाई अन्तत त्रिभुवन अन्र्तराष्ट्रिय विमानस्थलमा अवतरण गर्न दिइएको छ । अवतरण म्याद सकिएको (एक्स्पायर) जहाज आइतबार काठाडौ आएको हो । विमानस्थलले उक्त जहाजलाई केही समय आकाशमै होल्ड गराएको थियो । नागरिक उड्ययन प्राधिकरणसँगको छलफल पछि मानवीय संवेदनााई ध्यानमा राख्दै भर्खर अवत्तरण गराइएको विानस्थलका प्रवक्ता रिञ्जी शेर्पाले वाणिज्यपोष्ट लाई जानकारी गराए । जहाज २ बजे अवतरण गर्ने तालिका भएपनि विमानस्थलले अवत्तरण अनुमति नदिइ जहाज ‘गुराँस प्वाइन्ट’ मा होल्ड गराइएको थियो । शेर्पाका अनुसार मानवियतालाई हेरेर अवत्तरण गर्न दिएपनि उक्त जहाजलाई कारबाही गरिने बताएका छन् । कारबाही प्राधिकरणले गर्नेछ ।